Lover Played Murder Drama ప్రియురాలు పెళ్లి చేసుకోవాలని ఒత్తిడి చేయటంతో తానే చంపినట్లు ప్రియుడు పోలీసులకు తెలిపాడు. హత్య చేసి మృతదేహాన్ని ఓ తోటలో పడేశానని తెలపటంతో పోలీసులు గాలించారు. ఎంత వెతికినా మృతదేహం లభించకపోవటంతో ప్రియుడిపైనే అనుమానం వచ్చి పోలీసులు తమదైన శైలిలో అతనిని విచారించగా.. మొదట కిడ్నాప్​నకు గురైందని నాటకమాడాడు. తర్వాత ఆమె బతికే ఉందని తెలిపాడు. పోలీసులు తెలిపిన వివరాల ప్రకారం.. పల్నాడు జిల్లా ఈపూరు మండలానికి చెందిన పాపారావు, శారదలు ప్రేమించుకున్నారు. ప్రియురాలు శారద పెళ్లి చేసుకోమని అతని మీద ఒత్తిడి తీసుకువచ్చేది. ఎప్పటిలాగానే ఆదివారం కూడా అడగటంతో వారిద్దరీ మధ్య విభేదాలు వచ్చాయి. దీంతో అమె అక్కడి నుంచి తిరిగి వెళ్లిపోయింది.

అంతలోనే తన ప్రియురాలు హత్యకు గురైందని అతడు పోలీసులకు ఫిర్యాదు చేశాడు. హత్య చేసి సమీపంలో సుబాబుల్​ తోటలో పడేశానని పోలీసులకు తెలిపాడు. పోలీసులు రాత్రాంతా సుబాబుల్​ తోటలో గాలించారు. చివరకు అతని మీదే అనుమానంతో.. పోలీసులు అతనిని విచారించారు. మొదట కిడ్నాప్​న​కు గురైందని నాటకమాడాడు. ఆ తర్వాత తన ప్రియురాలు బతికే ఉందని తెలిపాడు. ప్రియురాలు బంధువుల ఇంట్లో ఉందని పోలీసుల విచారణలో తేలింది. అతడు పోలీసులకు ఫిర్యాదు చేయటానికి గల ఉద్దేశం ఎంటనేది తెలియరాలేదు. ప్రియురాలిని విచారించిన తర్వాత పూర్తి విషయం బయటకు వస్తుందని పోలీసులు తెలిపారు. పోలీసులు ప్రియుడు, ప్రియురాలు ఇద్దరిపైనా కేసు నమోదు చేశారు.

ఇవీ చదవండి:

• పుంగనూరులో వైసీపీ శ్రేణుల వీరంగం.. పారిశ్రామికవేత్త రామచంద్ర యాదవ్‍ ఇంటిపై మూకదాడి
• బాపట్లలో రోడ్డు ప్రమాదం.. నలుగురు అయ్యప్ప భక్తుల దుర్మరణం
• మూడు రాజధానులకు మద్దతుగా కర్నూలులో నేడు 'సీమగర్జన'