విజయవాడలో యువత రెచ్చిపోతోంది. అడ్డూఅదుపు లేకుండా రోడ్లపై బైక్ విన్యాసాలు చేస్తున్నారు. తోటి వాహనదారులకు ఇబ్బందులకు గురి చేస్తున్నారు. ఏదైనా ప్రమాదం జరిగితే పరిస్థితి ఏంటని పలువురు ప్రశ్నిస్తున్నారు.
దుర్గగుడి ఫ్లైఓవర్పై కొందరు యువకులు.. బైక్లపై భయపడే విధంగా విన్యాసాలు చేశారు. ద్విచక్ర వాహనంపై ప్రాణాంతక విన్యాసాలతో దూకుడుగా వ్యవహరించారు. బైక్ను విచ్చలవిడగా నడపడమే కాకుండా.. మధ్యలో బైక్పై నిలబడి తుపాకీ చూపిస్తూ హల్చల్ చేస్తున్నారు. ఎవరూ గుర్తించకుండా నెంబర్ ప్లేట్లు తీసేసి రోడ్లపై విన్యాసాలు చేశారు. ఈ వీడియోలు నెట్టింట వైరల్గా మారాయి.
పోలీసులు, నిపుణులు ఎన్నిసార్లు హెచ్చరించినా యువత మాత్రం ఇలాంటి చర్యలు మానుకోవడం లేదని పలువురంటున్నారు. పిల్లలు ఏం చేస్తున్నారో తల్లిదండ్రులు నిత్యం గమనిస్తూ ఉండాలని పలువురు సూచిస్తున్నారు.
ఇదీ చదవండీ.. By Election Schedule: బద్వేలు, హుజూరాబాద్ ఉప ఎన్నికలకు షెడ్యూల్ విడుదల