JNTU Undergrad Summit 2022 : విద్యార్థులు తమలోని ఆలోచనలకు పదునుపెట్టి.. భవిష్యత్తుకు బంగారుబాటలు వేసుకోవటమే లక్ష్యంగా హైదరాబాద్ జేఎన్టీయూలో నిర్వహించిన అండర్గ్రాడ్ సదస్సు సందడిగా సాగింది. విద్యార్థులు, అధ్యాపకులు, కార్పొరేట్‌లను ఒకే వేదికపైకి తీసుకువచ్చే ఉద్దేశంతో "స్టూమాగ్‌" ఆధ్వర్యంలో ఈ కార్యక్రమం నిర్వహించారు. 300 కళాశాలల నుంచి 2,000 మంది వరకు డిగ్రీ, ఇంజినీరింగ్‌ విద్యార్థులు ఈ సదస్సులో పాల్గొన్నారు.
హైదరాబాద్‌కు చెందిన ఏరోస్పేస్‌ సంస్థ స్కైరూట్‌ వ్యవస్థాపకుడు పవన్‌కుమార్‌ చందానా, జేఎన్టీయూ ప్రొఫెసర్‌ కట్టా నరసింహరెడ్డితో పాటు పలువురు వక్తల చర్చలు విద్యార్థులను ఆలోచింపజేశాయి. అండర్ గ్రాడ్యుయేట్ విద్యార్థులతో పాటు విద్యావేత్తలకు ప్రత్యేకమైన వన్డే ఈవెంట్‌గా ఈ కార్యక్రమం నిలిచింది. స్కైరూట్‌ ప్రారంభం నుంచి ఎదిగిన తీరును ఆ సంస్థ వ్యవస్థాపకులు పవన్‌కుమార్‌ వివరించిన తీరు విద్యార్థులను ఆలోచింపజేసింది.
అంతరిక్షం గురించి వివరిస్తూ.. ఏరోస్పేస్‌ ప్రయోగాల తీరును ఆయన విద్యార్థులకు వివరించారు. అండర్గ్రాడ్ సదస్సులో పాల్గొన్న విద్యార్థులు రోజంతా సందడి చేశారు. చర్చలతో పాటు స్టాండ్-అప్ కామెడీ, లైవ్ మ్యూజిక్ బ్యాండ్, లైవ్ ఇంటర్న్‌షిప్‌లతో పాటు మరెన్నో కార్యక్రమాలతో సందడిగా సాగింది.
ఇవీ చదవండి:
