Road Accident in Prathipadu: కాకినాడ జిల్లాలో ఘోర రోడ్డు ప్రమాదం జరిగింది. ప్రత్తిపాడు మండలంలో ధర్మవరం జాతీయ రహదారిపై అర్థరాత్రి లారీ, కంటైనర్ ఢీకొని మంటలు చెలరేగాయి. ఈ ప్రమాదంలో ఇద్దరు డ్రైవర్లు, క్లీనర్​తో సహా ముగ్గురు సజీవ దహనమయ్యారు. కత్తిపూడి వైపుగా ఇసుక లోడుతో వెళ్తున్న టిప్పర్ లారీ అదుపు తప్పి డివైడర్ మీదగా ఆవలి వైపు నుంచి ఎదురుగా వస్తున్న కంటైనర్​ను అతి వేగంగా డీ కొనడంతో.. మంటలు చెలరేగాయి.

సమాచారం అందుకున్న ప్రత్తిపాడు పోలీసులు, అగ్నిమాపక సిబ్బంది ఘటన స్థలానికి చేరుకుని.. మంటలను అదుపులోకి తెచ్చారు. ఇసుక లారీ డ్రైవర్ నిద్రమత్తువల్లే ఈ ప్రమాదం జరిగి ఉండవచ్చని పోలీసులు భావిస్తున్నారు. జాతీయ రహదారిపై పెద్ద ఎత్తున మంటలు చెలరేగడంతో ట్రాఫిక్​కు అంతరాయం ఏర్పడింది.

ఇవీ చదవండి:

• రోడ్డుపై చంద్రబాబు బైఠాయింపు.. పోలవరం వద్ద ఉద్రిక్తత
• పోలవరం ఏమైనా నిషేధిత ప్రాంతమా..!: యనమల రామకృష్ణుడు
• ఎయిర్​పోర్ట్​లో సర్వర్‌ క్రాష్‌.. ఫ్లైట్స్ ఆలస్యం.. ప్రయాణికుల కష్టాలు