గుంటూరు జిల్లా తెనాలి.. మున్సిపల్ కాంప్లెక్స్ దుకాణాలలోకి ఒక కారు అదుపు తప్పి బీభత్సం సృష్టించింది. నేరుగా ఓ మెడికల్ దుకాణంలోకి దూసుకొచ్చింది. ఫలితంగా షాపులో ఉన్న ఐదుగురికి స్వల్ప గాయాలయ్యాయి. గాయపడిన వారిలో ఒక వృద్ధుడు ఉన్నాడు. సమాచారం అందుకున్న రెండవ పట్టణ పోలీసులు ఘటనా స్థలానికి చేరుకున్నారు. ఆ వాహనాన్ని స్టేషన్కు తరలించారు. క్షతగాత్రులను తెనాలి ప్రభుత్వ ఆసుపత్రికి తరలించి చికిత్స అందిస్తున్నారు. అంతకు ముందు ఒక ద్విచక్ర వాహనాన్ని ఢీకొట్టడంతో.. బైక్ పూర్తిగా ధ్వంసమైంది. కాగా ఈ ఘటనలో రూ. లక్షా 50 వేల ఆస్తి నష్టం జరిగిందని మెడికల్ షాపు యజమాని రమేష్ తెలిపారు. మద్యం సేవించి డ్రైవింగ్ చేయడం వల్లే ఈ ఘటన జరిగి ఉండొచ్చని అనుమానం వ్యక్తం చేశాడు.
అకస్మాత్తుగా మెడికల్ దుకాణంలోకి దూసుకొచ్చిన కారు..ఐదుగురికి గాయాలు
ఇదీ చదవండి: ఈ అరాచక ప్రభుత్వంపై వీరోచితంగా పోరాడుతున్నావు చిన్నా: చంద్రబాబు
