AMERICA MADE GUN : ఓ యువకుడు కోడిగుడ్ల వ్యాపారం చేస్తుంటాడు. డబ్బు ఎక్కువ కావాలనే ఆశతో బెదిరింపులకు దిగుదామనుకున్నాడు. నార్మల్గా బెదిరిస్తే ఎవరూ లెక్కచేయరు అనుకున్నాడేమో.. వరుసకు బావ అయినా వ్యక్తి దగ్గర గన్ తీసుకున్నాడు. అయితే మనోడికి ఓ డౌట్ వచ్చింది. అదేంటంటే ఆ గన్ పని చేస్తుందా లేదా అని. ఇంకేముంది అర్ధరాత్రి దానిని టెస్ట్ చేయడానికి పూనుకున్నాడు. అనుకున్నదే తడవుగా మరో వ్యక్తితో కలిసి బైక్పై నైట్ రైడ్కి వెళ్లాడు. అక్కడే ఓ ట్విస్ట్ జరిగింది. అది ఏంటో తెలుసుకోవాలంటే కింద మేటర్ చదవాల్సిందే..
రాజమహేంద్రవరంలో కొత్తపేటకు చెందిన కేరళ సత్యనారాయణ అలియాస్ శ్రీనివాస్ కోడిగుడ్ల వ్యాపారం చేస్తున్నాడు. వరసకు బావైన విజయనగరానికి చెందిన బొత్స మోహన్ నుంచి 9 MM యుఎస్ మేడ్ తుపాకీని తెచ్చుకున్నాడు. ఈ గన్ చూపించి బెదిరించి డబ్బులు వసూలు చేయాలని నిర్ణయించుకున్నాడు. తుపాకీ పేలుతుందో...లేదో పరిశీలించేందుకు... ఇంటి పక్కనున్న ఆటో డ్రైవర్ అంబాళ్ల హరిసూర్యతో కలిసి ద్విచక్ర వాహనంపై గురువారం రాత్రి బయటకు వచ్చాడు. అయితే ఆ రూట్లో పోలీసులు తనిఖీలు చేస్తున్నారు. మనోడి వేషం చూసి డౌట్ వచ్చిన పోలీసులు తనిఖీ చేయగా.. గన్తో అడ్డంగా దొరికిపోయాడు. ఇంకేముంది పోలీసులు అరెస్ట్ చేసి.. నిందితుడి నుంచి ఏడు బుల్లెట్లను స్వాధీనం చేసుకున్నారు. ఈ ఘటనపై పూర్తి వివరాలు తెలియాల్సి ఉంది.
ఇవీ చదవండి:
