చిత్తూరు జిల్లా ఏకాంబరకుప్పంలో పవర్ లూమ్ వీవింగ్ మెషిన్లలో అత్యాధునిక సదుపాయాలతో కూడిన మెషిన్లతో యూనిట్ను, శిక్షణా శిబిరాన్ని ఏర్పాటు చేశారు. వాటిని నగరి ఎమ్మెల్యే ఆర్కే రోజా ప్రారంభించారు.
వస్త్ర ఉత్పత్తి రంగంలో ఒక నూతన అధ్యాయానికి ఈ సాంకేతికత నాంది పలుకుతుందని అన్నారు. అత్యాధునిక టెక్నాలజీ తో కూడిన జెకార్డ్ మెషీన్లతో పవర్ లూమ్స్ కలిపి వీవింగ్ చేయడం వలన ఉత్పత్తి, నాణ్యతా సామర్థ్యం పెరుగుతుందని రోజా అన్నారు. అంతేకాకుండా వీవర్స్కు ఆదాయం రెట్టింపు అవుతుందని తెలిపారు.
రాష్ట్రంలోని హిందూపూర్లో మాత్రమే ఉన్న ఈ సాంకేతికత మన నగరి ఏకాంబరకుప్పంలో మొదటిసారిగా ప్రవేశపెట్టామని తెలిపారు. ఆసక్తి ఉన్నవారికి శిక్షణ ఇప్పిస్తామని అన్నారు. మెషిన్లు, ముడి సరుకులనూ అందిస్తామని తెలిపారు. వారు తయారు చేసిన ఫాబ్రిక్ను మార్కెటింగ్తో పనిలేకుండా తిరిగి తీసుకుంటారని తెలియజేశారు.
ఇదీ చదవండి: TDP: చిత్తూరు జిల్లాలో 'రైతు కోసం తెదేపా'..పలుచోట్ల ఉద్రిక్తత
