TOP NEWS: ఏపీ ప్రధాన వార్తలు @ 11 AM

• న్యూఇయర్ ఎఫెక్ట్.. ఏపీలో రికార్డు స్థాయిలో మద్యం అమ్మకాలు..!
  2023 effect record revenue increased in AP: నూతన సంవత్సరం సందర్భంగా ఆంధ్రప్రదేశ్‌లో మద్యం పొంగిపొర్లింది. ఒక్కరోజేలోనే ఊహించని స్థాయిలో రికార్డు ఆదాయం వచ్చింది. మద్యం విక్రయాల ద్వారా భారీ ఆదాయాలే లక్ష్యంగా ప్రభుత్వం.. మద్యం దుకాణాలు, బార్లలో నిర్దేశిత సమయం కంటే అదనంగా మరో మూడు గంటలు విక్రయించేందుకు అనుమతిచ్చింది.

• గుంటూరు ఘటనలో మృతుల కుటుంబాలకు భారీగా అర్థిక సాయం..
  Uyyuru Foundation: చంద్రన్న కానుకల పంపిణీ ఘటనలో మృతులకు.. నష్టపరిహారం చెల్లించాలని సీఎం జగన్ ఆదేశించారు. మృతల కుటుంబాలకు రూ.2లక్షలు, గాయపడిన వారికి రూ.50వేల చొప్పున పరిహారం ఇవ్వాలని ఆదేశించారు. అటు ఘటనకు బాధ్యత వహిస్తూ.. ఉయ్యూరు ఫౌండేషన్ మృతుల కుటుంబాలకు భారీ సాయం ప్రకటించింది. ఒక్కొక్కరికి రూ.20 లక్షల సాయం అందించనున్నట్లు ఉయ్యూరు శ్రీనివాస్‌ వెల్లడించారు. అటు చంద్రబాబు కూడా పార్టీ తరుపున మృతుల కుటుంబసభ్యులకు రూ. 5లక్షలు ఇవ్వనున్నట్లు ప్రకటించారు.

• తిరుమలలో మరో అన్నప్రసాద వితరణ కేంద్రం.. త్వరలో అందుబాటులోకి మరో రెండు కేంద్రాలు
  Annaprasada Distribution Center in Tirumala: తిరుమలలో మరో అన్నప్రసాద వితరణ కేంద్రం అందుబాటులోకి వచ్చింది. దీనిని తితిదే ఛైర్మన్ సుబ్బారెడ్డి ప్రారంభించారు. భక్తులు రద్దీ పెరగడంతో ఈ నిర్ణయం తీసుకున్నారు. త్వరలో మరిన్ని భవనాలను భక్తుల సౌకర్యార్ధం తీసుకొస్తామని తెలిపారు.

• రాజమహేంద్రవరంలో ఉద్రిక్తత.. మహాసేన రాజేష్‌పై దాడి
  Attack on Mahasena chief Rajesh: తూర్పు గోదావరి జిల్లా రాజమహేంద్రవరంలో తీవ్ర ఉద్రిక్తత నెలకొంది. జనసేన నగర నాయకుడి పుట్టిన రోజు వేడుకలకు హాజరైన మహాసేన అధినేతపై కొంతమంది అల్లరి మూకలు దాడి చేశాయి. కారు అద్దాలను పగలగొట్టి నానా రచ్చ చేశారు.

• పట్టాలు తప్పిన ప్రయాణికుల రైలు పలువురికి గాయాలు
  రాజస్థాన్ పాలి జిల్లాలో ఓ రైలు పట్టాలు తప్పింది. బాంద్రా నుంచి జోద్​పుర్​కు వెళ్తున్న సూర్యనగరి ఎక్స్​ప్రెస్ పాలి రైల్వే స్టేషన్​కు వచ్చే ముందు అదుపుతప్పింది. దీంతో సుమారు 12 బోగీలు బోల్తా పడ్డాయి. ఈ ఘటనలో సుమారు 20 మంది ప్రయాణికులకు గాయాలైనట్లు సమాచారం. అయితే ఎటువంటి ప్రాణనష్టం జరగలేదని వాయువ్య రైల్వే సీపీఆర్ఓ తెలిపారు. ప్రమాదం అనంతరం ప్రయాణికులు రైలు దిగి పరిగెత్తారు. దీంతో తొక్కిసలాంటి పరిస్థితి ఏర్పడింది. ఘటన గురించి సమాచారం అందగానే అధికారులు సహాయక చర్యలు ప్రారంభించారు. ప్రయాణికుల కోసం జోద్​పుర్ నుంచి మరో రైలును పంపించారు.

• 86 ఏళ్ల వయస్సులో ఆరు నిమిషాలు శీర్షాసనం వేసి గిన్నిస్ రికార్డ్‌
  కొందరు యువకులకు సాధారణ ఆసనాలు వేస్తేనే ఆయాసంగా అనిపిస్తుంది. అలాంటిది కూర్చోవడమే కష్టమైన వృద్ధాప్యంలో శీర్షాసనం వేయడం అసాధారణ విషయం. అయితే, అసాధ్యాన్ని సాధ్యం చేసి చూపించారు ఒడిశా రవూర్కెలాలోని ఈశ్వర్​నాథ్ గుప్తా. కోయెల్ నగర్ ప్రాంతానికి చెందిన ఆయన కొత్త సంవత్సరం జనవరి ఒకటో తేదీన గిన్నిస్ బుక్ ఆఫ్ వరల్డ్ రికార్డ్స్ ప్రతినిధుల సమక్షంలో ఆరు నిమిషాల 36 సెకన్ల పాటు శీర్షాసనం వేశారు. తద్వారా గిన్నిస్ బుక్ ఆఫ్ వరల్డ్ రికార్డ్స్‌లో స్థానం సంపాదించారు. గతంలో కెనడాకు చెందిన 74 ఏళ్ల రిచర్డ్ డీ పేరిట ఈ రికార్డు ఉండేది. ఇప్పుడు ఆ రికార్డును తన పేరిట లిఖించుకున్నారు ఈశ్వర్​నాథ్. ఈయన సాధించిన విజయానికి స్థానికులు అభినందనలు చెబుతున్నారు.

• 2024 అధ్యక్ష ఎన్నికల బరిలో ట్రంప్‌.. రిపబ్లికన్ల మద్దతు లేకున్నా ముందుకే..
  అధ్యక్ష పదవికి మరోసారి పోటీ చేసేందుకు డొనాల్డ్ ట్రంప్ ప్రయత్నిస్తున్నారు. రిపబ్లికన్లు వ్యతిరేకించినా ఈ విషయంలో ముందుకెళ్లాలనే యోచనలో ఉన్నారు. తృతీయపక్ష అభ్యర్థిగానైనా పోటీ చేయాలని భావిస్తున్నారు.

• పెరిగిన బంగారం, వెండి ధరలు.. ఏపీ, తెలంగాణలో తాజా రేట్లు ఇవే
  Gold Rate Today: దేశంలో బంగారం, వెండి ధరలు స్వల్పంగా పెరిగాయి. తెలుగు రాష్ట్రాల్లోని ప్రధాన నగరాల్లో బంగారం, వెండి ధరలు ఎలా ఉన్నాయంటే?

• 'ఓపెనర్​గా రాహుల్​ వద్దు.. ఇషాన్​ కిషన్​కు అవకాశమివ్వండి'.. గంభీర్​ సలహా
  టీమ్ఇండియా ఆటగాడు కేఎల్​ రాహుల్​పై మాజీ క్రికెటర్​ గౌతమ్​ గంబీర్​ కీలక వ్యాఖ్యలు చేశాడు. అతడిని ఓపెనర్​గా ఆడించడాన్ని తప్పుబట్టాడు. అతడి ప్లేస్​లో మరో యువ క్రికెటర్​ను ఆడించాలని సూచించాడు. ఇంకా ఏమన్నాడంటే..

• మాస్‌ మొగుడు వీరసింహారెడ్డి ట్రైలర్ డేట్ ఫిక్స్.. స్టైలిష్​ లుక్​లో అమిగోస్‌
  బాలకృష్ణ, శ్రుతిహాసన్ జంటగా నటించిన 'వీరసింహారెడ్డి' చిత్రం సంక్రాంతికి ప్రేక్షకుల ముందుకు రానుంది. దీనిలో భాగంగా చిత్ర బృందం ఈ నెల 6న ఒంగోలులో ప్రీ రిలీజ్ వేడుకలను నిర్వహించనున్నారు. మరోవైపు, కల్యాణ్‌రామ్‌ కథానాయకుడిగా తెరకెక్కుతున్న మూవీ 'అమిగోస్‌' ఫిబ్రవరి 10న ప్రేక్షకుల ముందుకు రాబోతుంది. అయితే న్యూ ఇయర్ సందర్భంగా తాజాగా కొత్త ట్రైలర్​ను రిలీజ్ చేసింది ఈ చిత్రబృందం.