Commonwealth Games Table tennis: కామన్వెల్త్ క్రీడల్లో పురుషుల టేబుల్ టెన్నిస్ విభాగంలో భారత బృందం స్వర్ణం సాధించింది. హర్మీత్‌- సత్యన్ జంట సింగపూర్కు చెందిన యాంగ్‌ క్వీక్‌- యీ పాంగ్‌పై 3-1 తేడాతో గెలిచారు. దీంతో ఈ టేబుల్ టెన్నిస్ విభాగంలో భారత్ కామన్వెల్త్ క్రీడల్లో మూడోసారి స్వర్ణం కైవసం చేసుకున్నట్టైంది. అయితే ఈ విజయంపై ఈ ఇద్దరు ప్లేయర్స్ ఆనందం వ్యక్తం చేశారు. ఈ క్రమంలోనే ఆన్లైన్లో ఈటీవీ భారత్కు సత్యన్ ప్రత్యేక ఇంటర్వ్యూ ఇచ్చాడు. తన సంతోషాన్ని మాటల్లో చెప్పలేనని అంటూ ఉబ్బితబ్బిబైపోయాడు.
"ఈ గెలుపు చెప్పలేనంత సంతోషానిచ్చింది. టైటిల్‌ను దక్కించుకోవడం ఎంతో మధురమైన విషయం. ఇది భారీ విజయం. ఆధిపత్య పోరులో నైజీరియాపై, ఆ తర్వాత సింగపూర్పై విజయం సాధించడం అద్భుతం. ఇవి మనందరికీ ఎంతో మధురమైన క్షణాలు. ముఖ్యంగా టేబుల్ టెన్నిస్కు కామన్వెల్త్ గేమ్స్ ఎంతో ప్రత్యేకం. విజయానికి సోపానం. మనం కామన్వెల్త్‌లో ఆధిపత్యాన్ని కొనసాగిస్తున్నాం. బలంగా నిలబడటం చాలా ముఖ్యం. మొత్తంగా ఈ ప్రతిష్టాత్మక క్రీడల్లో రెండో సారి స్వర్ణం సాధించడం చాలా ఆనందంగా ఉంది. ఈ విజయం మొత్తం టేబుల్ టెన్నిస్ ప్లేయర్స్లో ఎంతో విశ్వాసాన్ని నింపింది. భవిష్యత్లో ఈ క్రీడల్లో రావాలనుకునేవారికి స్ఫూర్తిగా నిలుస్తూ ఓ భారీ బెంచ్మార్క్ను సెట్ చేసింది. ప్రపంచవేదికపై మా ప్రదర్శన చూసి యంగ్స్టర్స్ మరింత మంచి ప్రదర్శన చేసేందుకు స్ఫూర్తి పొందుతారు" అని అన్నాడు.
ఇదీ చూడండి: Commonwealth games: లాన్‌ బౌల్స్‌ ఆట ఎలా ఆడతారో తెలుసా?
