టీమ్‌ఇండియా బ్యాటర్ హనుమ విహారిని(Hanuma Vihari News) న్యూజిలాండ్తో టెస్టు సిరీస్కు(IND vs NZ Test Series) కాకుండా ఇండియా-ఏ తరఫున దక్షిణాఫ్రికా పర్యటనకు ఎంపిక చేసిన సెలక్టర్లపై మండిపడ్డాడు మాజీ క్రికెటర్ అజయ్ జడేజా(Ajay Jadeja news).
కివీస్‌తో ఈనెల 25 నుంచి భారత్‌ రెండు టెస్టుల సిరీస్ ఆడనుంది. ఆపై డిసెంబర్‌లో దక్షిణాఫ్రికా పర్యటనకు వెళ్లనుంది. ఈ క్రమంలోనే విహారిని సెలెక్టర్లు.. ఇండియా- ఏ జట్టుకు ఎంపిక చేశారు. ఓ క్రీడా ఛానల్‌తో మాట్లాడిన జడేజా సెలెక్టర్ల తీరుపై తీవ్ర అసహనం వ్యక్తం చేశాడు.
"విహారిని తలచుకుంటే బాధేస్తుంది. కొంత కాలంగా టీమ్‌ఇండియాతో పర్యటిస్తూ అవకాశం వచ్చినప్పుడల్లా రాణిస్తున్నాడు. అతడేం తప్పు చేశాడు? ఇండియా-ఏ జట్టుతో ఎందుకు వెళ్లాలి? స్వదేశంలో న్యూజిలాండ్తో టెస్టు సిరీస్ ఎందుకు ఆడకూడదు? అది కుదరకపోతే ఇండియా-ఏ పర్యటనకు కూడా పంపకూడదు. ఇన్ని రోజులూ జట్టుతో కలిసి ఉన్న ఆటగాడు ఇప్పుడు ఇండియా-ఏ తో ఆడుతుంటే.. మరోవైపు జట్టులో కొత్త కుర్రాళ్లు వచ్చి ఆడుతుండటం లాంటివి క్రికెట్‌ అభిమానులను గందరగోళానికి గురిచేస్తాయి"
-- అజయ్ జడేజా, మాజీ క్రికెటర్.
విహారిని న్యూజిలాండ్తో టెస్టు సిరీస్కు(IND vs NZ test 2021) ఎంపిక చేయకపోవడంపై తీవ్ర విమర్శలు వచ్చాయి. అయినా అతడిని ఇప్పుడు దక్షిణాఫ్రికా పర్యటనకు పంపారు. మరోవైపు అతడు చివరిసారి టీమ్‌ఇండియాకు ఆడింది గత ఆస్ట్రేలియా పర్యటనలో జరిగిన సిడ్నీ టెస్టులో. ఆ మ్యాచ్‌లో జట్టును ఓటమి నుంచి తప్పించడానికి అశ్విన్‌తో(39) కలిసి విహారి (23) రాణించాడు. గాయం బారిన పడినా సుదీర్ఘంగా బ్యాటింగ్‌ చేశాడు. చివరకు మ్యాచ్‌ను డ్రాగా ముగించి సిరీస్ కాపాడటంలో కీలక పాత్ర పోషించాడు. ఆ తర్వాత అతడు మళ్లీ టీమ్‌ఇండియాలో ఆడలేకపోయాడు.
ఇదీ చదవండి:
Rohit Sharma Captaincy: సారథీ నీపైనే ఆశలు- అదే జోరుతో దూసుకెళ్లు..
