అహ్మదాబాద్ వేదికగా గురువారం ప్రారంభమైన భారత్ ఆస్ట్రేలియా నాలుగో టెస్ట్ సిరీస్ ఎంతో ఉత్కంఠంగా సాగింది. ఓ వైపు టాస్ గెలుచుకుని ఆసిస్ టీమ్ బరిలోకి దిగి చిత్తు రేపుతున్న వేళ అంతే ఎనర్జీతో మన బౌలర్లు కూడా ఏ మాత్రం తగ్గకుండా వారిని ఔట్ చేస్తూ వచ్చారు. ప్రత్యర్ధులు తమ ఎత్తుగడలను ప్రదర్శిస్తుంటే.. టీమ్ ఇండియా బౌలర్లు దానికి పై ఎత్తులు వేస్తూ వచ్చారు. అయినప్పటికీ కంగారు జట్లు టీమ్ ఇండియాను కంగారు పెట్టించడం ఆపలేదు. ఈ క్రమంలో సామాజిక మాధ్యమాల్లో పలు హైలైట్ పాయింట్స్తో పాటు మీమ్స్ కూడా తెగ ట్రెండ్ అవుతోంది. అలా మాజీ కెప్టెన్ విరాట్ కోహ్లీ చేసిన ఓ పని ప్రస్తుతం సామాజిక మాధ్యమాల్లో వైరలవుతోంది.
సెకెండ్ స్లిప్లో టీమ్ ఇండియా తరఫున విరాట్ కోహ్లీ ఫీల్డింగ్ చేస్తున్నాడు. ఈ క్రమంలో ఆస్ట్రేలియా స్టార్ బ్యాటర్ మార్కస్ లబుషేన్ స్ట్రైక్ తీసుకుంటున్న సమయంలో విరాట్.. తన వద్దనున్న ఎనర్జీ బార్ను ఆస్వాదిస్తూ కనిపించాడు. అయితే ఇది చూసి పక్కనే థర్డ్ స్లిప్లో ఫీల్డింగ్ చేస్తున్న శ్రేయాస్ అయ్యర్ అతనికి కొంచం ఇవ్వమని అడిగాడు. దీంతో కాసేపు తర్వాత తన పాకెట్లో ఉన్న ఆ చాక్లెట్ను బయటికి తీసిన కోహ్లీ.. శ్రేయాస్ అయ్యర్‌కి విసిరాడు. ప్రస్తుతం ఈ రెండు వీడియోలు సోషల్ మీడియాలో తెగ చక్కర్లు కొడుతున్నాయి.
- — Anna 24GhanteChaukanna (@Anna24GhanteCh2) March 9, 2023 " class="align-text-top noRightClick twitterSection" data="
— Anna 24GhanteChaukanna (@Anna24GhanteCh2) March 9, 2023
">— Anna 24GhanteChaukanna (@Anna24GhanteCh2) March 9, 2023
అయితే బోర్డర్ గావస్కర్ ట్రోఫీలో విరాట్ కోహ్లీ ఆట తీరు అందరిని నిరాశపరుస్తోంది. ఇప్పటి వరకు జరిగిన మూడు టెస్టుల్లో కోహ్లీ స్కోర్ 12, 44, 20, 22, 13 పరుగులు మాత్రమే. దీంతో అభిమానులు ఆందోళన చెందుతున్నారు. కోహ్లీ మళ్లీ ఫామ్లోకి రావాలని ఆశిస్తున్నారు.
ఇక మ్యాచ్ విషయానికి వస్తే.. నరేంద్ర మోదీ స్టేడియం వేదికగా భారత్ ఆస్ట్రేలియా మధ్య జరుగుతున్న నాలుగో టెస్ట్ సిరీస్లో ఆసిస్ ప్లేయర్లు చెలరేగిపోయారు. ఓపెనర్గా దిగిన ఉస్మాన్ ఖవాజా అయితే ఏకంగా శతకం బాది మన బౌలర్లకు చెమటలు పట్టించాడు. అతనితో పాటు ఆడిన కామెరూన్ గ్రీన్ కూడా మైదానంలో చెలరేగిపోయాడు. కంగారు టీమ్లోని మిగతా బ్యాటర్లైన స్టీవెన్ స్మిత్, పీటర్స్ హాండ్స్‌కోంబ్ కూడా తమ ఆట తీరుతో ఫర్వాలేదనిపించారు. దీంతో ఫస్ట్ డే మ్యాచ్ ముగిసే సమయానికి ఆ జట్టు నాలుగు వికెట్ల నష్టానికి 255 పరుగులు చేసింది. ఇక టీమ్ ఇండియా బౌలర్ షమీ రెండు వికెట్లు పడగొట్టగా.. జడేజా, అశ్విన్ మాత్రం చెరో వికెట్ తీసుకున్నారు.
