ఊర్వశి రౌతేలా, రిషబ్ పంత్ వ్యవహారం మళ్లీ నెట్టింట్లో హాట్ టాపిక్ అయ్యింది. ఇప్పటివరకు పంత్పై సైటైర్లు వేసిన రౌతేలా తాజా ఇంటర్వ్యూలో అతడిపై ఆసక్తికర వ్యాఖ్యలు చేసింది. అతడికి క్షమాపణలు చెప్పినట్లు ఇంగ్లీష్ వెబ్సైట్లలో కథనాలు వస్తున్నాయి. ప్రస్తుతం ఈ విషయం సోషల్మీడియాలో ట్రెండింగ్ అవుతోంది.
కాగా, గత కొంత కాలంగా నటి ఊర్వశి రౌతేలా, క్రికెటర్ రిషబ్ పంత్ మధ్య కోల్డ్ వార్ సాగుతోంది. ఒకరిపై మరొకరు విమర్శలు, సైటైర్లు వేసుకుంటూ సోషల్మీడియాను హీటెక్కించారు. నెట్టింట్లో ఎక్కడ చూసినా వీరిద్దరి టాపికే హైలైట్గా నిలిచింది. అయితే తాజాగా ఊర్వశి.. షాకింగ్ వ్యాఖ్యలు చేసింది. పంత్కు క్షమాపణ చెప్పింది. "ఏం చెప్పాలో తెలియట్లేదు. కానీ సారీ చెప్పాలనుకుంటున్నాను. క్షమించండి" అంటూ చేతులు కట్టుకుని చెప్పింది. రౌతేలా ఈ వ్యాఖ్యలు చెప్పడం వల్ల ఈ గొడవ ఇంతటితో సద్దుమనుగుతుందా అనేది ప్రశ్నార్థకం. మరి పంత్ దీనిపై ఎలా స్పందిస్తాడో అనేది అందరిలో ఆసక్తి రేపుతోంది.
అది నేను చేయలేదు.. అయితే పంత్తో కోల్డ్వార్ సాగుతోన్న నేపథ్యంలోనే ఊర్వశి ఆసియా కప్ మ్యాచ్లకు హాజరైంది. పాక్ యువ బౌలర్ నసీమ్ షాతో ఉన్న రీల్స్ను షేర్ చేసింది. దీంతో పంత్ను కవ్వించడానికే ఇలా చేస్తుందని, నషీత్తో ప్రేమలో ఉందని వార్తలు వచ్చాయి. అప్పుడు దీనిపై స్పందించిన పాక్ బౌలర్.. ఊర్వశి ఎవరో తెలియదని, తన దృష్టంతా మ్యాచ్పైనే ఉందని స్పష్టం చేశాడు. ఈ విషయంపైనా ఊర్వశి స్పందించింది. తన సోషల్మీడియా టీమ్.. అనుకోకుండా ఈ వీడియోను పోస్ట్ చేసిందని చెప్పింది.
ఇవీ చదవండి: షార్ట్ఫిల్మ్లో అల్లుఅర్జున్.. దర్శకుడిగా సుకుమార్
