కోపంగా కోహ్లీ.. రోహిత్​ ఫన్నీ రియాక్షన్​.. ఏమైంది?

author img

By

Published : Sep 21, 2022, 8:15 PM IST

kohli rohith

ఆస్ట్రేలియాతో జరిగిన తొలి టీ20లో కోహ్లీ, రోహిత్​ చేసిన పని సోషల్​మీడియాలో వైరల్​ అవుతోంది. అదేంటంటే..

టీమ్​ఇండియా మాజీ కెప్టెన్​ కోహ్లీ కోపంగా చూసిన ఓ చూపు ప్రస్తుతం సోషల్ మీడియాలో వైరల్‌గా మారింది. మొహాలి వేదికగా ఆస్ట్రేలియాతో జరిగిన తొలి టీ20 మ్యాచ్‌లో ఇన్నింగ్స్ రెండో ఓవర్ బౌలింగ్ చేసిన ఉమేశ్ యాదవ్.. తొలి నాలుగు బంతుల్లో వరుసగా 4,4,4,4 సమర్పించుకున్నాడు. మూడేళ్ల తర్వాత అంతర్జాతీయ టీ20ల్లో ఆడిన ఉమేశ్.. వరుసగా ఆఫ్ స్టంప్‌కు వెలుపలగా బంతులు వేయడం వల్ల.. వాటిని ఆస్ట్రేలియా ప్రయోగాత్మక ఓపెనర్ కామెరూన్ గ్రీన్ బౌండరీకి తరలించేశాడు.

దీంతో అతడి పేలవ బౌలింగ్‌..మాజీ కెప్టెన్ విరాట్ కోహ్లీకి కోపం తెప్పించింది. కానీ ఒక్క మాట అనలేదు. అయితే.. కోపంగా మాత్రం ఉమేశ్​వైపు చూస్తూ కనిపించాడు. ఇదే విషయంలో కెప్టెన్​ రోహిత్ శర్మ కూడా అసహనం వ్యక్తం చేశాడు.

రోహిత్​ ఫన్నీ సెండాఫ్​.. ఇక ఇదే మ్యాచ్​లో ఆస్ట్రేలియా మాజీ కెప్టెన్ స్టీవ్‌స్మిత్‌కు సారథి రోహిత్ శర్మ ఫన్నీగా సెండాఫ్ ఇచ్చాడు. మ్యాచ్‌లో ఇన్నింగ్స్ 12వ ఓవర్ వేసిన ఉమేశ్ యాదవ్ బౌలింగ్‌లో దూకుడుగా ఆడుతున్న స్టీవ్‌స్మిత్​ను వికెట్ కీపర్ దినేశ్ కార్తీక్‌ అడ్డుకున్నాడు. ఆఫ్ స్టంప్‌కు వెలుపలగా వెళ్తున్న బంతిని స్టీవ్‌స్మిత్ బాదగా.. బ్యాట్ ఎడ్జ్ తాకిన బంతి నేరుగా వెళ్లి దినేశ్ కార్తీక్ చేతుల్లో పడింది. దీంతో వెంటనే టీమ్​ఇండియా అప్పీల్ చేయగా.. అంపైర్ తిరస్కరించాడు.

అంపైర్ నాటౌట్ ఇవ్వడం వల్ల దినేశ్ కార్తీక్ అభిప్రాయం తీసుకున్న రోహిత్ శర్మ డీఆర్‌ఎస్ కోరాడు. రిప్లేలో బంతి బ్యాట్ ఎడ్జ్ తాకినట్లు తేలడం వల్ల అంపైర్ తన నిర్ణయాన్ని మార్చుకుని ఔట్​ ఇచ్చాడు. కానీ.. ఆ నిర్ణయంపై స్టీవ్‌స్మిత్ అభ్యంతరం వ్యక్తం చేస్తూ కనిపించాడు. దాంతో అక్కడే ఉన్న రోహిత్ శర్మ ఇక చాలు వెళ్లు అంటూ ఫన్నీగా సైగ చేస్తూ కనిపించాడు.

కాగా, స్టీవ్‌స్మిత్‌ మైదానంలో పలు సార్లు కవ్వింపు చర్యలకు పాల్పడిన సంగతి తెలిసిందే. ముఖ్యంగా కోహ్లీతో ఢీ అంటే ఢీ అంటుంటాడు. అయితే అతడికి విరాట్ గట్టిగానే సమాధానం చెబుతూ.. సెండాఫ్ ఇచ్చిన సందర్భాలు చాలానే ఉన్నాయి. అయితే.. రోహిత్ శర్మ నుంచి మాత్రం ఇలాంటి సెండాఫ్‌ను ఊహించలేదని నెటిజన్లు అంటున్నారు.

ఇదీ చూడండి: ప్రపంచ టెస్ట్ ఛాంపియన్‌షిప్ ఫైనల్​​పై ఐసీసీ కీలక ప్రకటన

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.