బెంగళూరులో ప్రముఖ సింగర్ హరిణి తండ్రి, సుజనా ఫౌండేషన్‌ సీఈవో ఏకే రావు అనుమానాస్పద రీతిలో చనిపోయారు. ఆయన మృతదేహం బెంగళూరులోని ఓ రైల్వే ట్రాక్పై గుర్తించారు. తన తండ్రిది కచ్చితంగా హత్యేనని హరిణి అనుమానం వ్యక్తం చేస్తూ బెంగళూరు పోలీసులకు ఫిర్యాదు చేశారు. దోషులను కఠినంగా శిక్షించాలని కోరారు.
ఈ మేరకు అన్ని కోణాల్లో దర్యాప్తు చేస్తున్నారు పోలీసులు. ఏకే రావు కుటుంబసభ్యుల మధ్య ఏమైనా గొడవలు ఉన్నాయా అనే కోణంలో ఆరా తీస్తున్నారు. ఏకే రావు.. తన కుటుంబంతో కలిసి హైదరాబాద్‌ శ్రీనగర్‌ కాలనీలో నివాసముంటున్నారు. వారం రోజులుగా ఆయన కుటుంబసభ్యులతో సహా అదృశ్యమయ్యారు.
అప్పటి వరకు అదృశ్యం.. కానీ!
వారంతా ఎక్కడికి వెళ్లారో స్పష్టత లేకపోవడం సహా హఠాత్తుగా ఏకే రావు మృతదేహం బెంగుళూరులో రైలు పట్టాలపై రెండు రోజుల క్రితం కనిపించింది. ఏకే రావు మృతదేహం రైల్వేట్రాక్‌పై దొరికిన తర్వాత అప్పటి వరకూ ఆచూకిలేని కుటుంబసభ్యులు బెంగుళూరులోని మార్చురీ వద్దకు వెళ్లి ఏకే రావును గుర్తుపట్టారు.
'జ్యో అచ్యుతానంద', 'సీత ఆన్ ది రోడ్', 'పరిణయం' వంటి చిత్రాల్లో పాటలు పాడింది హరిణి రావు.
