LIVE: టీడీపీ నేత పట్టాభి రామ్ మీడియా సమావేశం- ప్రత్యక్ష ప్రసారం

TDP Kommareddy Pattabhi Press Meet Live: టెండర్ల పేరుతో మరోసారి ఇసుక కుంభకోణానికి సీఎం జగన్ తెరలేపారని  టీడీపీ జాతీయ అధికార ప్రతినిధి కొమ్మారెడ్డి పట్టాభి విమర్శించారు. టెండర్లు ఎవరికి ఇవ్వాలో.. ముందే తాడేపల్లి ప్యాలెస్​లో నిర్ణయిస్తారన్నారు. ఒక టెండరు డాక్యుమెంటు విలువ రూ. 29.50 లక్షలు ఎందుకు పెట్టారో ప్రభుత్వం సమాధానం చెప్పాలని పట్టాభి డిమాండ్ చేశారు. తన సోదరుడు అనిల్​ రెడ్డికి రాష్ట్రంలోని ఇసుక రీచ్​లన్నింటిని కట్టాబెట్టాలనే దురాలోచనతోనే.. సీఎం జగన్​ టెండర్​ డాక్యుమెంట్​ ఫీజు ధరను తగ్గించారని పట్టాభి ఆరోపించారు. గతంలో కూడా జయప్రకాశ్​ పవర్​ వెంచర్స్​ సంస్థకు ఇసుక రీచ్​లు అప్పగించటానికి జగన్​ రెడ్డి ఇలానే అర్థం లేని టెండర్​ నిబంధనలను తీసుకువచ్చారని అన్నారు. దీనిపై సమాచారం ఎమ్​ఎస్​డీసీ ద్వారా తెలిసిందన్నారు. గతంలో కేవలం బిడ్​ సెక్కూరిటీ మాత్రమే 120 కోట్ల రూపాయలు ఉంటే.. దాన్ని ఇప్పుడు కేవలం 77 కోట్ల రూపాయలకే పరిమితం చేశారని మండిపడ్డారు. ఇంత భారీగా బిడ్​ సెక్యూరిటీ తగ్గించడానికి కారణం.. కేవలం అనిల్​ రెడ్డికి ఇసుక రీచ్​లు అప్పగించడానికేనని విమర్శించారు. బిడ్ సెక్యూరిటీ డిపాజిట్ తగ్గించడంతో పాటు నిబంధనలను సైతం.. తమ్ముడు అనిల్ రెడ్డికి ముఖ్యమంత్రి అనుకూలంగా మార్చేశారని దుయ్యబట్టారు. ప్రభుత్వం టెండర్ డాక్యుమెంట్ ఎందుకు దాచిపెడుతోందో.. బిడ్ సెక్యూరిటీ మొత్తం ఎందుకు తగ్గించారో, ఇతర నిబంధనలు ఎందుకు మార్చారో ఆ శాఖ మంత్రి పెద్దిరెడ్డి సమాధానం చెప్పాలని డిమాండ్ చేశారు. ఈ నేపథ్యంలో టీడీపీ నేత ట్టాభి రామ్ మీడియా సమావేశం ప్రత్యక్ష ప్రసారం..