LIVE: చంద్రబాబును రాజమహేంద్రవరం జైలులో కలిసిన కుటుంబసభ్యులు

CBN Family Reach Rajamahendravaram Central Jail Live: మాజీ ముఖ్యమంత్రి, టీడీపీ అధినేత చంద్రబాబు నాయుడు పూర్తి స్థాయి భద్రత నడుమ రాజమహేంద్రవరం సెంట్రల్ జైలులో తొలి రోజు గడిపారు. స్కిల్ డెవలప్‌మెంట్ కేసులో అరెస్టైన చంద్రబాబుకు.. కోర్టు ఆదేశాలతో జైలు అధికారులు స్నేహ బ్యారక్​లో ప్రత్యేక గదిని ఆదివారం రాత్రే కేటాయించారు. ఆ రూములో వెస్ట్రన్ టాయిలెట్​ను ప్రత్యేకంగా ఏర్పాటు చేశారు. చంద్రబాబుకు సహాయకుడిగా ఒక వ్యక్తిని కూడా అందుబాటులో ఉంచారు. బాబు ష్యూరిటీ.. భవిష్యత్తుకు గ్యారెంటీ కార్యక్రమంలో భాగంగా బాబు జిల్లాలు పర్యటిస్తున్న సంగతి తెలిసిందే. ఆయన కాన్వాయ్​లో ఉండే ప్రత్యేక ప్యాంట్రీ కార్​ను జైలుకు సమీపంలో ఉంచి, అందులో ప్రత్యేకంగా తయారు చేసిన అల్పాహారాన్ని, భోజనాన్ని చంద్రబాబుకు అందిస్తున్నారు. ఈ క్రమంలో లోకేశ్ రాజమహేంద్రవరంలోనే ఓ టీడీపీ నేత ఇంటి వద్ద ఉంటూ చంద్రబాబుకు అవసరమైనవి సమకూరుస్తున్నారు. కాగా జైలులో ఉన్న చంద్రబాబును చూసేందుకు ఆయన ఫ్యామిలీ రాజమహేంద్రవరం చేరుకున్నారు. నారా భువనేశ్వరి, నారా బ్రాహ్మణి, రామకృష్ణ, బాలకృష్ణ చిన్న కుమార్తె తేజస్విని, భరత్‌.. సాయంత్రం చంద్రబాబును కలవనున్నారు.