ఇరాన్కు చెందిన ఓ పాసింజర్ విమానంలో బాంబు ఉందన్న హెచ్చరిక.. కలకలం రేపింది. ప్రయాణికులతో చైనా వెళ్తున్న ఈ విమానం భారత గగనతలంలో ఉండగా ఈ సమాచారం అందింది. విమానం దిల్లీలో ల్యాండ్ కావడానికి అనుమతించలేదు. వెంటనే భారత వాయుసేన రంగంలోకి దిగింది. రెండు ఫైటర్ జెట్లతో ఆ విమానాన్ని అనుసరించింది.
ఇరాన్లోని తెహ్రాన్ నుంచి చైనాలోని గ్వాంగ్‌జౌ వెళ్తున్న మహన్ ఎయిర్ విమానంలో బాంబు ఉందని సోమవారం ఉదయం 9 గంటల 20 నిమిషాలకు దిల్లీ పోలీసులకు సమాచారం అందింది. దీంతో దిల్లీలో ల్యాండ్ అవ్వడానకి అనుమతించలేదు. ఆ విమానాన్ని జైపుర్ మళ్లించాల్సిందిగా ఏటీసీ(ఎయిర్ ట్రాఫిక్ కంట్రోల్) సూచించింది. దీనికి ఇరానియన్ పైలట్లు నిరాకరించారు. వెంటనే భారత వాయుసేన రంగంలోకి దిగింది. సుఖోయ్-30ఎంకేఐ ఫైటర్ జెట్లు పంజాబ్, జోధ్పుర్ ఎయిర్ బేస్ల నుంచి బయలు దేరి సురక్షిత దూరంలో ఆ పాసింజర్ విమానాన్ని అనుసరించాయి. అయితే ఇరాన్ ప్రభుత్వ యంత్రాంగం ఆ విమానాన్ని అలాగే చైనా వైపు వెళ్లేందుకు అనుమతించాలని కోరిందని వాయుసేన అధికారులు తెలిపారు. దీంతో భారత వాయిసేన ఫైటర్ జెట్లు వెనుదిరిగాయని చెప్పారు.
ఇవీ చదవండి: రష్యా సైనికుల అకృత్యాలు.. వెలుగులోకి 10 చిత్రహింస కేంద్రాలు.. సామూహికంగా..
స్టేడియంలో 'ఫ్యాన్స్ ఫైట్'.. ఇలాంటి విషాదాలు ఎన్నో.. ఆ మ్యాచ్లో ఏకంగా 20వేల మంది!
