Young model Shahana Dead: వర్ధమాన నటి, మోడల్ అనుమానాస్పద రీతిలో మరణించడం కేరళలో చర్చనీయాంశమైంది. ఆమె భర్తను పోలీసులు అదుపులోకి తీసుకున్నారు. ఆమె మరణం వెనుక మిస్టరీని ఛేదించేందుకు ప్రయత్నిస్తున్నారు.

యువనటి మృతి.. భర్త అరెస్ట్.. పెళ్లయిన ఏడాదిన్నరలో ఏం జరిగింది?

వర్ధమాన నటి, మోడల్ అనుమానాస్పద రీతిలో మరణించడం కేరళలో చర్చనీయాంశమైంది. ఆమె భర్తను పోలీసులు అదుపులోకి తీసుకున్నారు. ఆమె మరణం వెనుక మిస్టరీని ఛేదించేందుకు ప్రయత్నిస్తున్నారు.

మృతురాలు షహనాది (20) కేరళలోని కాసరగోడ్​​. కోజికోడ్​కు 14కి.మీ దూరంలోని పరాంబిల్ బజార్​లో భర్త సజ్జద్​తో కలిసి ఓ అద్దె ఇంట్లో ఉంటోంది. వారికి ఏడాదిన్నర క్రితమే పెళ్లయింది.

చీరలు, ఆభరణాల యాడ్​లతో కేరళ వాసులకు షహనా సుపరిచితం. నటిగా స్థిరపడేందుకు ఆమె ప్రయత్నాలు చేస్తుండేది.

అనూహ్యంగా షహనా 
మృతదేహం గురువారం రాత్రి 11.30కి అపార్ట్​మెంట్​లోని కిటికీ ఊచలకు వేలాడుతూ కనిపించింది.

షహనా మృతిపై ఆమె కుటుంబసభ్యులు అనుమానాలు లేవనెత్తారు. ఇది హత్య అయి ఉంటుందని ఆరోపించారు.

"భర్త ఎప్పుడూ తనను హింసించేవాడని షహనా చెబుతూ ఉండేది. తను ఆత్మహత్య చేసుకునే రకం కాదు. తన బర్త్​డే పార్టీకి రావాలని ఇటీవలే మమ్మల్ని ఆహ్వానించింది కూడా" అని చెప్పింది షహనా తల్లి.

హత్య ఆరోపణల నేపథ్యంలో షహనా భర్త సజ్జద్​ను పోలీసులు అదుపులోకి తీసుకున్నారు. మృతదేహాన్ని పోస్టుమార్టం కోసం కోజికోడ్ మెడికల్ కాలేజీకి తరలించారు.