తాతకు తగ్గ మనవడు.. ఘట్టమేదైనా.. పాత్ర ఏదైనా.. రికార్డులు బద్దలవ్వాల్సిందే!

తెలుగు చిత్ర పరిశ్రమలో ఎన్టీఆర్ అంటే ఓ సెన్సేషన్. సినిమా నటుడిగా, రాజకీయ పార్టీ నాయకుడిగా, ఉమ్మడి తెలుగు రాష్ట్రానికి ముఖ్యమంత్రిగా ఓ వెలుగు వెలిగిన మహనీయుడు నందమూరి తారక రామారావు. ఎన్టీఆర్ తర్వాత ఆ కుటుంబంలో ఆయన కుమారుడు బాలకృష్ణ మంచి ఫ్యాన్ బేస్ సంపాదించుకున్నారు. కానీ ఈ తరంలో ఆయన క్రేజ్​ను అందుకునే వారసులు ఉన్నారా అనే సందేహాలకు ఛాన్స్​ ఇవ్వలేదు జూ. ఎన్టీఆర్. బాల రామాయణం సినిమాతో తెరపైన మొదటిసారి శ్రీ రాముడి పాత్రలో కనిపించిన జూ. ఎన్టీఆర్.. 'నిన్ను చూడాలని' సినిమాతో టాలీవుడ్​లో హీరోగా పరిచయం అయ్యారు. తర్వాత దర్శకధీరుడు రాజమౌళి కాంబినేషన్​లో వచ్చిన 'స్టూడెంట్ నం.1'తో హిట్​ అందుకున్నారు. వి.వి వినాయక్​ దర్శకత్వంలో వచ్చిన 'ఆది'తో ఫ్యాక్షన్​ జోనర్​లో ప్రేక్షకులకు తనలోని మాస్​ యాంగిల్ చూపించారు. తర్వాత 2004లో పూరీ జగన్నాథ్ డైరెక్షన్​లో 'ఆంధ్రావాలా' చిత్రం చేశారు. ఈ సినిమాలో కంప్లీట్ లో ప్రొఫైల్​ మాస్ క్యారెక్టర్​లో ఆడియోన్స్​ని మెప్పించారు. ఇలా బాల రామాయణం సినిమా మొదలుకొని గతేడాది వచ్చిన 'ఆర్​ఆర్ఆర్' వరకు జూ. ఎన్టీఆర్ వివిధ పాత్రల్లో నటించి ప్రేక్షకులను మెప్పించారు. అందులో ​కొన్ని ముఖ్యమైన క్యారెక్టర్లు ఎంటో చూద్దాం.