ఒక్క ఇన్​స్టా పోస్ట్​ చేస్తే ప్రియాంకకు రూ.3 కోట్లు!.. మరి సామ్​కు​ ఎంతంటే?

సినీ తారలు అటు తెరపైన.. ఇటు తెరవెనుక ప్రేక్షకులను అలరిస్తూనే ఉంటారు. స్క్రీన్​పై సినిమాలతో సందడి చేస్తే.. స్క్రీన్​ వెనుక సోషల్​ మీడియాలో పోస్ట్​లు పెట్టి అభిమానులకు టచ్​లో ఉంటారు. అయితే సామాజిక మాధ్యమాల్లో తరచూ దర్శనమివ్వని తారలు అప్పుడప్పుడు ఓ ఫొటో లేక వీడియో పెట్టి అభిమానుల్లో భారీ రేంజ్​లో క్రేజ్​ సంపాదిస్తుంటారు. అలా సెలబ్రిటీలకు కేరాఫ్​ అడ్రస్​గా ఇన్​స్టాగ్రామ్​ వేదిక అయ్యింది. ఇందులో వీరి ఒక్కో పోస్ట్​కు నిమిషాల్లోనే కొన్ని లక్షల్లో లైక్​లు వస్తుంటాయంటే ఆశ్చర్యపోనక్కర్లేదు. ఇక బ్రాండ్​ ప్రమోషన్ల గురించి ప్రత్యేకించి చెప్పనక్కర్లేదు. తమ అభిమాన తారల ఇచ్చే సూచనల కోసం వెయిట్​ చేసే ఫ్యాన్స్​ వారు ఏదైనా మంచి బ్రాండ్​ ప్రమోట్​ చేస్తే దాని వాడేందుకు ఆసక్తి కనబరుస్తుంటారు. దీంతో ప్రముఖ బ్రాండ్​లు సైతం తమ ప్రమోషన్ల కోసం సెలబ్రిటీలను ఎంచుకుంటుంది. అయితే సామాన్యుల లాగా వీరు కేవలం పోస్ట్​లు పెట్టి సరిపెట్టుకోరు. ఆయా పోస్ట్​కు తగిన రెమ్యునరేషన్​ను కూడా ఛార్జ్​ చేస్తుంటారు. ఈ విషయంలో టాప్​ పొజిషన్​లో ఉన్నారు ప్రముఖ బాలీవుడ్​ నటి ప్రియాంక చోప్రా. అయితే ఈమె లాగే సినీ ఇండస్ట్రీలో మరికొంత మంది తారలు ఉన్నారు. వారెవరంటే?