ఆ విషయంలో హృతిక్​ రోషన్​కు స్ఫూర్తి తన తల్లేనట..​ 68 ఏళ్ల వయసులోనూ ఆమె వర్కౌట్లు అదుర్స్​!

శరీరం ఫిట్‌గా ఉంటే ఎలాంటి అనారోగ్య సమస్యలు మన దగ్గరకు రావు. మనిషి ఫిట్‌నెస్​గా ఉంటే తాను అనుకున్న లక్ష్యాన్ని సాధించే దిశగా అడుగులు వేయగలడు. అయితే ఏ రంగంలో అయినా మనిషి రాణించాలంటే శారీరకంగా దృఢంగా ఉండాలి. ఈ క్రమంలో శారీరక శ్రమ, వ్యాయామం లాంటివి.. కొందరిలో పెరుగుతున్న వయస్సును బాహ్య ప్రపంచానికి కనిపించనివ్వవు. అయితే ఈ సూత్రాన్ని మన సినిమా స్టార్లు ఎక్కువగా పాటిస్తూ కనిపిస్తుంటారు. అంతే కాకుండా దీని వల్ల సక్సెస్ కూడా అవుతుంటారు. ముఖ్యంగా ఈ తరం సినీ స్టార్స్​.. షూటింగ్ స్పాట్​ల తర్వాత జిమ్​లోనే ఎక్కువ సమయాన్ని గడుపుతుంటారు. ఈ విషయంలో బాలీవుడ్​ స్టార్ హృతిక్ రోషన్ ఫిట్​నెస్​ గురించి ప్రత్యేకంగా చెప్పనక్కర్లేదు. సినిమా ఇండస్ట్రీకి వచ్చిన తొలినాళ్ల నుంచే హృతిక్ ఎంతో మందికి ఫిట్​నెస్​ విషయంలో స్ఫూర్తిగా నిలిచారు. హృతిక్ రోషన్ ఇప్పటికీ రోజుకు తగినంత వ్యాయమం చేస్తుంటారు. అయితే ఎంతో మందికి ప్రేరణగా నిలిచిన హృతిక్ మాత్రం వాళ్ల అమ్మ నుంచి స్ఫూర్తిని పొందారట. ప్రస్తుతం హృతిక్ తల్లి పింకీ రోషన్ వయసు 68 ఏళ్లు. ఆమె ఇప్పటికి జిమ్​లో తగినన్ని వర్కౌట్లు చేస్తూ ఈ వయసులో కూడా ఎంత ఆరోగ్యంగా, ఫిట్​గా ఉన్నారో చూసేయండి.