Sithara Entertainments Movies List : ఒకే బ్యానర్ నుంచి 100 రోజుల్లో 5 సినిమాలు.. ఇదీ రికార్డే!
Sithara Entertainments Movies List : ఒకే బ్యానర్ నుంచి 100 రోజుల్లో 5 సినిమాలు.. ఇదీ రికార్డే!
Sithara Entertainments Movies List : సాధారణంగా పేరున్న బ్యానర్లు ఎంత వేగంగా సినిమాలు తెరకెక్కించినా సంవత్సరానికి రెండు లేదా మూడు సినిమాలను ప్రేక్షకుల ముందుకు తెస్తుంటాయి. కానీ, ఒకేసారి మొత్తం 5 సినిమాలను, అది కూడా 100 రోజుల వ్యవధిలోనే వాటిని రిలీజ్ చేయనుందంటే కాస్త స్పెషలే కదా మరి. మరి ఈ సాహసం చేయనున్న ఆ బడా బ్యానర్ ఏదంటే..
Sithara Entertainments Movies List : ఎంత పెద్ద సినిమా బ్యానరైనా ఏడాదికి రెండు లేదా మూడు సినిమాలను రిలీజ్ చేస్తుంటాయి. అలాంటిది 100 రోజుల్లోనే మొత్తం 5 సినిమాలను విడుదల చేయడం అంటే కాస్త అరుదైన విషయమే. ఈ సాహసమే చేయబోతోంది ప్రముఖ సినీ బ్యానర్ 'సితార ఎంటర్టైన్మెంట్స్'. రానున్న మూడు లేదా నాలుగు నెలల్లో మీడియం రేంజ్తో పాటు మంచి హైప్ ఉన్న సినిమాలను ప్రేక్షకుల ముందుకు తేనుంది తెలుగులో పెద్ద బ్యానర్లలో ఒకటైన సితార బ్యానర్. రానున్న మూడు నెలల్లో విడుదల కానున్న ఈ ఐదు సినిమాల్లో ఒకటి డబ్బింగ్ చిత్రం కాగా.. మరొకటి సితార ఫ్యామిలీ బ్యానర్ భాగస్వామ్యంలోనే తీస్తోంది.
ఆ 5 సినిమాలివే..!
లియో : ఇది ఒక డబ్బింగ్ మూవీ. అయినా దీనిపై మంచి హైప్ను క్రియేట్ చేశారు మేకర్స్. కోలీవుడ్‌ డైరెక్టర్ లోకేశ్‌ కనగరాజ్‌ - హీరో దళపతి విజయ్‌ కాంబోలో తెరకెక్కుతున్న ఈ చిత్రాన్ని తెలుగులో సితార బ్యానర్పై దసరా కానుకగా విడుదల చేయనున్నారు. ఇక ఇదే సమయంలో బాలకృష్ణ భగవంత్ కేసరి, రవితేజ టైగర్ నాగేశ్వరరావులతో పాటు ఈ చిత్రం(లియో) బాక్సాఫీస్ ముందు పోటీ పడనుంది. కాగా, ఇప్పటికే రిలీజైన ఈ సినిమా ప్రచార చిత్రాలు ఆడియెన్స్ను బాగానే ఆకట్టుకుంటున్నాయి. ఇది సినిమాపై మరిన్ని అంచనాలను పెంచుతున్నాయి.
ఆదికేశవ :
మెగా అప్కమింగ్ హీరో వైష్ణవ్ తేజ్‌, శ్రీలీల జోడీగా రానున్న సినిమా 'ఆదికేశవ'. మిడ్ రేంజ్ సినిమాగా తెరకెక్కిన ఈ చిత్రాన్ని కూడా సితార ఎంటర్టైన్మెంట్స్ నిర్మించింది. దీనిని దీపావళి కానుకగా నవంబరు 10న రిలీజ్ చేయనున్నారు.
గ్యాంగ్స్ ఆఫ్ గోదావరి :
మాస్ కా దాస్ ఫేమ్ విశ్వక్సేన్ 'గ్యాంగ్స్ ఆఫ్ గోదావరి'తో డిసెంబర్ 8న ప్రేక్షకుల ముందుకు రానున్నాడు. తెలుగు దర్శకుడు కృష్ణచైతన్య దర్శకత్వంలో తెరకెక్కిన ఈ సినిమాపై భారీ అంచనాలే ఉన్నాయి.
గుంటూరు కారం :
తన బాబాయి మూవీ బ్యానర్ హారిక హాసిని క్రియేషన్స్ భాగస్వామ్యంతో సితార అధినేత నాగవంశీ నిర్మిస్తున్న మూవీ 'గుంటూరు కారం'. ఈ సినిమాలో సూపర్స్టార్ మహేశ్బాబు హీరోగా నటిస్తున్నారు. కాగా, దీనిని జనవరిలో సంక్రాంతి కానుకగా థియేటర్లలో విడుదల చేయనున్నారు.
టిల్లు స్క్వేర్ : నేహా శెట్టి, సిద్ధు జొన్నలగడ్డ కాంబినేషన్లో వచ్చిన DJ టిల్లు ఎంతటి హిట్ సాధించిందో స్పెషల్గా చెప్పనక్కర్లేదు. దీనికి సీక్వెల్గానే రూపొందుతున్న చిత్రం 'టిల్లు స్క్వేర్'. ఈ సినిమా రిలీజ్ డేట్ను ఇంకా అనౌన్స్ చేయనప్పటికీ.. రానున్న మూడున్నర నెలల్లోనే దీనిని విడుదల చేసేందుకు ప్లాన్ చేస్తున్నారట మేకర్స్. వాస్తవానికి ఈ మూవీని ఈ ఏడాదే విడుదల చేద్దామని అనుకున్నా.. పోస్ట్ ప్రొడక్షన్స్ పనుల్లో ఆలస్యం కారణంగా అది కాస్త డిసెంబరు చివర్లో లేదా జనవరిలో విడుదలయ్యే అవకాశాలు ఉన్నాయి.
మొత్తంగా ఒకే బ్యానర్ నుంచి దాదాపు మూడు లేదా నాలుగు నెలల్లో విడుదలకు రెడీగా ఉన్న ఈ 5 సినిమాలు ఏ మేర విజయాలు సాధిస్తాయో చూడాలి.
