మరికొన్ని గంటల్లో 95వ అకాడమీ అవార్డుల వేడుక జరుగనుంది. అమెరికా.. లాస్‌ ఏంజిల్స్‌లోని డాల్బీ థియేటర్‌లో ఆస్కార్ వేడుకలకు అంతా సిద్దమైంది. ప్రపంచవ్యాప్తంగా ఉన్న మూవీ లవర్స్ అవార్డుల వేడుక ఎప్పుడెప్పుడు మొదలవుతుందా..? అని ఎంతో ఆసక్తిగా ఎదురుచూస్తున్నారు. ఈసారి భారత్‌ తరఫున తెలుగు సినీ పరిశ్రమ నుంచి ఆర్‌ఆర్‌ఆర్‌లో నాటు నాటు పాట బెస్ట్‌ ఒరిజినల్‌ సాంగ్ కేటగిరీలో ఫైనల్‌ నామినేషన్స్లో నిలిచింది.
ఊరమాస్‌ బీట్‌తో నాటు నాటుగా ఆస్కార్ స్టేజ్‌పై మరోసారి ఇరగదీసి.. ఆర్‌ఆర్‌ఆర్‌ విజేతగా నిలవడం ఖాయమని ఈ సాంగ్‌ను ఎంజాయ్ చేస్తున్న ప్రతీ ఒక్కరూ విశ్వాసంతో ఉన్నారు. ఆస్కార్ వేడుకను చూద్దామనేవాళ్లు ఏఏ ప్లాట్‌ఫాంలలో చూడొచ్చనే దానిపై ఇంట్రెస్టింగ్‌ అప్డేట్ బయటకు వచ్చింది. ఆస్కార్ ఈవెంట్‌ పాపులర్‌ ఓటీటీ ప్లాట్‌ఫాం డిస్నీ+ హాట్‌ స్టార్‌లో స్ట్రీమింగ్ కానుందని తెలిసిందే. మీకు ఒకవేళ ఓటీటీ సబ్ స్క్రిప్షన్ లేకపోయినా.. లేదంటే స్ట్రీమింగ్‌లో ఎలాంటి సమస్యలు వచ్చినా ఈవెంట్‌ను మిస్సవుతామేమోనని దిగులు పడాల్సిన పని లేదు. ఎందుకంటే ఆస్కార్ ఈవెంట్‌ టీవీలో కూడా వీక్షించవచ్చు.
ఓటీటీ అందుబాటులో లేనివాళ్లు స్టార్ కనెక్షన్‌ ఉంటే చాలు.. స్టార్ మూవీస్‌, స్టార్ మూవీస్‌ సెలెక్ట్‌, స్టార్ వరల్డ్‌, స్టార్ వరల్డ్‌ ప్రీమియర్ హెచ్‌డీ, స్టార్ వన్‌, స్టార్ ప్లస్‌, స్టార్ గోల్డ్‌, స్టార్ ఉత్సవ్‌, ఫాక్స్‌, ఫాక్స్‌ క్రైమ్, విజయ్‌ టీవీ ఛానెళ్లలో కూడా ఆస్కార్ ఈవెంట్‌ను చూడొచ్చు. ఇంకేంటి మరి ఓటీటీ లేని వాళ్లు పై ఛానెళ్లలో మీ స్టార్ నెట్‌వర్క్‌కు అనుగుణంగా అందుబాటులో ఉన్న ఛానల్‌లో ఆస్కార్ ఈవెంట్‌ను వీక్షించొచ్చన్నమాట. మంగళవారం ఉదయం 5:30 గంటల నుంచి ఈవెంట్‌ స్ట్రీమింగ్ కానుంది.
- ఇవీ చదవండి:
- ఆస్కార్ వేడుకలో విల్స్మిత్ చెంపదెబ్బకు ఏడాది.. ఇప్పటికీ బాధిస్తుందన్న కమెడియన్
- ఆస్కార్కు అడుగు దూరంలో 'నాటు నాటు'.. ఆ పాటతోనే గట్టి పోటీ!
- ఆస్కార్ వేడుక.. ఈ అదిరిపోయే విశేషాలు మీకు తెలుసా?
- ఆస్కార్ వేడుకలకు సర్వం సిద్ధం.. తొలిసారి షాంపైన్ కార్పెట్పై నటీనటులు!
- ఆస్కార్@ 95.. అవార్డు అందుకున్న భారతీయులు ఎవరో తెలుసా?
- ఆస్కార్ నామినీలకు ప్రియాంక చోప్రా పార్టీ.. ఎన్టీఆర్, చరణ్ స్పెషల్ అట్రాక్షన్!
- 'ఆస్కార్'కు అంతా సిద్ధం.. రేసులో నిలిచిన సౌత్ సినిమాలు ఇవే!
- ఎన్టీఆర్, చరణ్ కాదు.. ఆస్కార్స్లో 'నాటు నాటు' స్టెప్పులు వేయబోయేది ఈ అమ్మాయే!
- ఆస్కార్ వేడుకకు అంతా రెడీ.. స్ట్రీమింగ్ ఎప్పుడు? ఎలా చూడొచ్చు?
- 'ఆస్కార్ వేదికపై 'నాటు నాటు'కు అందుకే డ్యాన్స్ చేయట్లేదు.. కానీ'
