ప్రపంచవ్యాప్తంగా సినీ ప్రియులు ఎంతో ఆసక్తిగా ఎదురుచూసిన ఆస్కార్ ప్రదానోత్సవ వేడుక ఘనంగా జరిగింది. వరల్డ్ వైడ్గా సినీ సెలబ్రిటీలతో పాటు నామినేషన్స్ కేటగిరిలో ఉన్న నటీనటులు, మిగతా టెక్నిషియన్స్ ఈ వేడుకలో పాల్గొని సందడి చేశారు. భిన్న డ్రెస్సుల్లో కనిపించి కనువిందు చేశారు. ముఖ్యంగా భారతీయ అభిమానుల ఎదురుచూపులకు తెరపడింది. వారందరూ కోరుకున్నట్టే ఆర్ఆర్ఆర్ చిత్రానికి ఆస్కార్ వరించింది. బెస్ట్ ఒరిజినల్ సాంగ్ విభాగంలో నామినేట్ అయిన నాటు నాటు సాంగ్ ఈ ప్రతిష్టాత్మక పురస్కారాన్ని గెలుచుకుంది. ఈ అవార్డ్ అందుకున్న తొలి భారతీయ, తెలుగు గీతంగా చరిత్ర సృష్టించింది. సాంగ్ లిరిసిస్ట్ చంద్రబోస్, సంగీత దర్శకుడు ఎంఎం కీరవాణి.. ఆస్కార్ వేదికపై అవార్డును అందుకుని భావోద్వేగానికి లోనయ్యారు.
అయితే ఈ సారి ఈ ప్రతిష్టాత్మక ఆస్కార్ వేడుకల్లో కొన్ని కీలక మార్పులు చేసిన సంగతి తెలిసిందే. గెస్ట్లకు రెడ్‌ కార్పెట్ మీద కాకుండా షాంపైన్ మీద ఆహ్వానం పలికారు. అంటే ఎర్ర రంగు కార్పెట్ను షాంపైన్ కలర్లోకి మార్చారు. ఆస్కార్ చరిత్రలోనే ఇలా మార్చడం తొలిసారి. దాదాపు 50 వేల స్క్వేర్ ఫీట్ ఉండే ఈ కార్పెట్ ధర. రూ. 24,700 డాలర్స్ ఉంటుందని తెలిసింది. దీన్ని ఏర్పాటు చేయడానికి 600 గంటలు సమయం పట్టిందని తెలిసింది.
ఇక ఈ ఆస్కార్ ప్రదానోత్సవ కార్యక్రమం కోసం 56.6 మిలియన్ డాలర్లను ఖర్చు చేశారట. అంటే భారత కరెన్సీలో రూ. 463,92,47,300 రూపాయలు. ఈ కార్పెట్పై నడవడం కోసం ఒక్క నటి వేసుకునే డ్రెస్ ఖరీదు కనీసం 10 మిలియన్ డాలర్స్ ఉంటుందని తెలిసింది. ఇంకా ఈ ఈవెంట్‌లో ఏదైనా అడ్వటైజ్మెంట్ వేయాలంటే 30 సెకన్ల కోసం 2 మిలియన్స్‌ డాలర్స్ చెల్లించాలట.
కాగా, మొత్తం 23 విభాగాల్లో విజేతలను ప్రకటించి అవార్డులను అందజేసిన ఈ కార్యక్రమంలో.. ఈ సారి భారత్కు మూడు విభాగాల్లో (బెస్ట్ ఒరిజినల్ సాంగ్, బెస్ట్ డాక్యుమెంటరీ ఫీచర్ ఫిల్మ్, బెస్ట్ డాక్యుమెంటరీ షార్ట్‌ ఫిల్మ్) నామినేషన్స్ దక్కగా.. బెస్ట్ ఒరిజినల్ సాంగ్, బెస్ట్ డాక్యుమెంటరీ షార్ట్‌ ఫిల్మ్ విభాగాల్లో పురస్కారాలు దక్కాయి. బెస్ట్ ఒరిజినల్ సాంగ్లో నాటు నాటు పాటకు, బెస్ట్ డాక్యుమెంటరీ షార్ట్‌ ఫిల్మ్లో ది ఎలిఫెంట్ విస్పరర్స్కు లభించాయి. మొత్తంగా ఈ 95వ వేడుకలు లాస్ ఏంజిల్స్లోని డాల్బీ థియేటర్ గ్రాండ్గా జరిగాయి. 'ఎవ్రీథింగ్ ఎవ్రీవేర్ ఆల్ ఎట్ వన్స్' చిత్రం ఏకంగా ఏడు పరస్కారాలను దక్కించుకుంది.
ఇదీ చూడండి: ఆస్కార్ విజేతలు వీరే.. ఆ చిత్రానికి ఏకంగా ఏడు అవార్డులు
