సూపర్ స్టార్ మహేశ్ బాబు తనయుడు గౌతమ్ గురించి తెలిసిందే. సోషల్ మీడియాలో సైలెంట్‌గానే ఉన్నా.. మహేశ్ కొడుకుగా ఎంతో అభిమానాన్ని సంపాదించుకున్నాడు. అయితే అప్పుడప్పుడు మహేశ్ భార్య నమ్రత షేర్ చేసే పోస్ట్ల ద్వారానే గౌతమ్ గురించి తెలుస్తుంటుంది. అయితే తాజాగా నమ్రత.. గౌతమ్ను ఉద్దేశిస్తూ ఓ ఎమోషనల్ పోస్ట్ పెట్టారు. గౌతమ్ విషయంలో తనకెంతో బాధగా ఉందని చెప్పారు. వెలితిగా ఉందని కూడా చెప్పుకొచ్చారు.
"కల్చరల్‌ ట్రిప్‌లో భాగంగా గౌతమ్ తొలిసారి.. సొంతంగా విదేశాలకు వెళ్లాడు. నాలోని ఓ భాగం నన్ను వదిలి వెళ్లినట్లు అనిపించింది. రోజంతా శూన్యంగా గడిచింది. తను ఇంటికి తిరిగి వచ్చి మా కళ్ల ముందు ఉండే వరకూ ఈ బాధ పోదు. గూడును వదిలి మా బాబు ఎగరగలుగుతున్నాడు. ఈ వారం మొత్తం సరదాలు, సంతోషాలు, సాహసాలతో గడవాలని ముఖ్యంగా ఈ ప్రయాణంలో నిన్ను నువ్వు మరింత తెలుసుకోవాలని ఆశిస్తున్నా. ఈ ప్రయాణం నీకు ఎంతగానో ఉపయోగపడుతుందని నమ్ముతున్నాను. అలాగే నీ రాక కోసం ఎదురుచూస్తుంటా' అని నమ్రత పేర్కొన్నారు.
ఇదీ చూడండి: యాంకర్ రష్మి ఇంట విషాదం
