Malayalam Actor Arrested: బాలికలతో అసభ్యంగా ప్రవర్తించారనే ఆరోపణలతో ప్రముఖ మలయాళ నటుడు శ్రీజిత్ రవిని పోలీసులు అరెస్ట్ చేశారు. పోక్సో చట్టం కింద ఆయనపై పోలీసులు కేసు నమోదు చేశారు.
బాలికలతో అభ్యంతరకర రీతిలో శ్రీజిత్ ప్రవర్తించారన్నది ప్రధాన ఆరోపణ. ఇద్దరు అమ్మాయిలు రోడ్డుపై నడుచుకుంటూ వెళుతున్న సమయంలో ఆయన నగ్నంగా తన కారులో నుంచి దిగి వారిని ఇబ్బందికి గురి చేసినట్లు తెలిసింది. లైంగిక వేధింపుల కేసులో శ్రీజిత్ రవి అరెస్ట్ కావడం ఇది రెండోసారి.
గతంలో ఇదే రీతిలో పాఠశాల విద్యార్థులతో అసభ్యకరంగా ప్రవర్తించిన కేసులో శ్రీజిత్ రవిని పోలీసులు అరెస్ట్ చేశారు. ఆ కేసులో చాలా రోజుల పాటు జైలులో ఉన్న ఆయన ఆ తర్వాత బెయిల్పై విడుదలయ్యారు. పోలీసులు కావాలనే ఆ కేసును తప్పుదోవ పట్టించారనే ఆరోపణలు కూడా వచ్చాయి. తాజాగా మరోసారి ఆయనపై కేసు నమోదు కావడం మలయాళ చిత్ర పరిశ్రమలో హాట్టాపిక్గా మారింది.
మలయాళ సీనియర్ నటుడు టీజీ రవి తనయుడిగా సినీ ఇండస్ట్రీలోకి అడుగుపెట్టారు శ్రీజిత్ రవి. 2005లో 'మయూఖం' సినిమాతో నటుడిగా అరంగేట్రం చేశారు. విలన్గా, క్యారెక్టర్ ఆర్టిస్ట్గా విభిన్నమైన పాత్రలతో మంచి గుర్తింపు సొంతం చేసుకున్నారు. ఇటీవల విడుదలైన 'జో అండ్ జో' సినిమాలో పోలీస్ ఆఫీసర్గా నటించారు.
ఇవీ చదవండి: అందుకే 9 ఏళ్లు సినిమాలకు దూరంగా ఉన్నా: నటుడు వేణు
ఓటీటీలో అనుపమ 'బటర్ప్లై' రిలీజ్!.. కమల్ 'ఇండియన్ 2' నుంచి కాజల్ ఔట్?