Jr NTR New Look: అభిమానుల తగినట్టు ఎప్పుటికప్పుడు స్టైల్ను మార్చుకుంటూ 'టాక్‌ ఆఫ్‌ ది టౌన్‌'గా నిలిచే హీరోల్లో ముందు వరుసలో ఉంటారు జూనియర్ ఎన్టీఆర్. సినిమాలతో ఎంటర్‌టైన్‌ చేయడమే కాదు.. ఆఫ్‌ స్క్రీన్‌ లుక్లో కూడా అభిమానులను ఆశ్చర్యపరుస్తుంటాడు తారక్. ఇటీవలే 'ఆర్‌ఆర్ఆర్‌' జపాన్‌ రిలీజ్ సందర్భంగా ట్రెండీ స్టైలిష్ లుక్లో కనిపించి ఔరా అనిపించారు. తాజాగా ఎవరూ ఊహించని కూల్ లుక్తో అందరినీ మెస్మరైజ్‌ చేస్తున్నారు ఎన్టీఆర్.
ఎన్టీఆర్ ప్రస్తుతం కొరటాల శివతో కలిసి 'NTR 30' సినిమా చేస్తున్నారు. జనతా గ్యారేజ్‌ తర్వాత వీరిద్దరి కాంబోలో వస్తున్న సినిమా కావడంతో అంచనాలు భారీగానే ఉన్నాయి. ఈ సినిమా కోసం తారక్ మేకోవర్ మార్చుకునే పనిలో ఉన్నట్టు ఇప్పటికే చాలా వార్తలు తెరపైకి వచ్చాయి. మరి తారక్ న్యూలుక్‌ 'NTR 30' కోసమేనా? లేదంటే కమర్షియల్ యాడ్ కోసమా? అనేది తెలియాల్సి ఉంది.
