నందమూరి నటసిహం బాలకృష్ణ నటించిన వీర సింహారెడ్డి ఇటీవలే సంక్రాంతికి విడుదలై సూపర్ హిట్ టాక్తో దూసుకెళ్తోంది. బాక్సాఫీస్ వద్ద మంచి వసూళ్లను అందుకుంటోంది. ముఖ్యంగా ఈ సినిమా బాలయ్య లుక్, డ్రెస్సింగ్ సెన్స్ మరింత ఆకట్టుకున్నాయి. అయితే ఈ సినిమా విజయం సాధించడం వల్ల దర్శకుడు గోపిచంద్ మలినేని వరుస ఇంటర్వ్యూలు ఇస్తున్నారు. ఈ క్రమంలోనే తాజాగా ఓ ఇంటర్వ్యూలో పాల్గొన్న ఆయన సినిమా విజయంపై మరోసారి హర్షం వ్యక్తం చేస్తూ చిత్రానికి సంబంధించిన ఆసక్తికరమైన విషయాలను తెలిపారు. సినిమాలో జై బాలయ్య పాట ఎందుకు పెట్టారు? ఆయన కాస్ట్యూమ్స్ గురించి చెప్పుకొచ్చారు.
"అటు మాస్ థియోటర్లో ఇటు మల్టీప్లెక్స్లో సినిమా చూశాను. మాస్తో పాటు ఫ్యామిలీ ఆడియోన్స్ కూడా బాగా కనెక్ట్ అయ్యారు. అసాధారణమైన రెస్పాన్స్ వచ్చింది. నా ఫోన్లు ఇప్పటివరకు మోగుతూనే ఉన్నాయి. ఇండస్ట్రీ నుంచి చాలా మంది కాల్స్ చేశారు. అంచనాలకు ఏమాత్రం తగ్గకుండా బాగా చూపించావని అంటున్నారు. బాలయ్య కాస్ట్యూమ్స్ విషయానికొస్తే ఆయన క్యారెక్టర్కు బాగా డెప్త్ ఉంటుంది. డిజైన్ చేసేటప్పుడే స్కెచెస్ వేయించాను. ఆ తర్వాత బాల్యయకు అది చూపించాను. అయితే మొదట నా మనసులో బ్లాక్ షర్ట్ వేద్దాం అన్నప్పుడు బాలయ్యను అడగలేని పరిస్థితిలో ఉన్నాను. కానీ అప్పుడే బాలయ్య కూడా తమ మనసులో బ్లాక్ ఉందని చెప్పారు. దీంతో నేను కూడా అదే అనుకున్నా సార్ అంటూ డిజైన్ చూపించాను. ఇక యంగ్ లుక్ బాలయ్య కోసం భాస్కర్ డిజైనర్. ఆయన ప్రభాస్కు పర్సనల్ డిజైనర్. ఇక జై బాలయ్య డైలాగ్ ఓ ట్రెండ్ అయిపోయింది. అందుకే ఆ డైలాగ్ పెట్టాను. జై బాలయ్య పాట విషయానికొస్తే.. ఆ పదం ఓ ఎమోషన్ అయిపోయింది. అందుకే ఆ పాట ఉంటే ఓ మ్యాజిక్ క్రియేట్ అవుతుంది నేను తమన్ అనుకున్నాం. అందుకే చేశాం. అది వర్కౌట్ అయింది. ప్రేక్షకుల్ని ఆదరిస్తారని అనుకున్నాం. ఆదరించారు." అని గోపిచంద్ అన్నారు.
ఇక వీరసింహారెడ్డి సినిమా విషయానికొస్తే.. మలినేని దర్శకత్వంలో తెరకెక్కిన ఈ సినిమాలో బాలయ్య రోర్ మాములుగా లేదంటున్నారు అభిమానులు. జై బాలయ్య అన్న నినాదంతో థియేటర్లు దద్దరిల్లిపోయాయనే చెప్పాలి. ఇక బాలయ్య అటు యాక్షన్తో పాట ఇటు సెంటిమెంట్ను బ్యాలెన్స్ చేసి ప్రేక్షకుల చేత కంటతడి పెట్టించారు. ఈ సినిమాలో నటించిన ఇతర తారలు దునియా విజయ్, వరలక్ష్మీ శరత్కుమార్, శ్రుతిహాసన్, హనీ రోజ్ సైతం తమదైన శైలిలో నటించి సీన్స్ పండించారు. ఇప్పటివరకు విడుదలైన రోజు నుంచి ప్రపంచవ్యాప్తంగా రూ.119 కోట్ల గ్రాస్ సాధించినట్లు ట్రేడ్ వర్గాల సమాచారం.
ఇదీ చూడండి: పవర్ఫుల్ పోలీస్గా అందాల భామలు.. తుపాకీ గురి పెట్టి.. విలన్లతో పోరాడి
