Jabardasth Varsha Immanuel love story: బుల్లితెర వీక్షకుల్లో ఆసక్తి పెంచేందుకు 'జబర్దస్త్' షోలో ఆన్స్క్రీన్ కెమిస్ట్రీ, లవ్ట్రాక్ క్రియేట్ చేయడం మాములే. అయితే ఇందులో భాగంగా ఇమ్మాన్యుయెల్-వర్ష జోడీకి ఓ స్పెషల్ క్రేజ్ ఉంది. ఎన్నో ఎపిసోడ్స్, స్పెషల్ షోస్‌లో వీళ్లిద్దరి రొమాంటిక్ స్క్రీన్ ప్రెజెన్స్ అదిరింది. వీళ్లిద్దరూ ప్రేమలో ఉన్నారంటూ జోరుగా ప్రచారం సాగింది. దానికి తోడు ఓ స్పెషల్ ఈవెంట్లో ఈ జోడీకి పెళ్లి కూడా చేశారు. అయితే తాజాగా మరోసారి ఇమ్మూతో ఉన్న బంధం గురించి మాట్లాడింది వర్ష. తన జీవితంలో ఏదైనా అదృష్టం ఉందంటే.. అది ఇమ్మాన్యుయెల్ మాత్రమే అని చెప్పింది.
"సాధారణంగా ప్రేమించుకుంటున్న వాళ్ల మధ్య అనుమానాలు రావడం సహజమే. ఎప్పుడైనా మీ మధ్య అటువంటిది వచ్చిందా?" అని ఇంద్రజ తాజా 'ఎక్స్ట్రా జబర్దస్త్' ఎపిసోడ్లో అడిగారు.
''నా జీవితంలో ఏదైనా అదృష్టం ఉందంటే.. అది నా ఇమ్ము మాత్రమే. ఎవరు ఏం అనుకున్నా నాకు ఎటువంటి సమస్య లేదు. వీడేంటి? ఆ అమ్మాయి ఏంటి? అదీ... ఇదీ... వీళ్ళిద్దరిదీ అలా ఇలా? అని! ఈ రోజు నేను చెబుతున్నా... ఇమ్మూ అంటే నిజంగా నాకు ఇష్టం" అని వర్ష మరోసారి తన ప్రేమను బయటపెట్టింది. ఆ తర్వాత "మీ మమ్మీకి చెప్పు.. మీ కోడలు వస్తుంది" అని చెప్పి స్టేజ్ మీద నుంచి వెళ్లిపోయింది. దాంతో అక్కడ ఉన్నవారందరూ సంతోషం వ్యక్తం చేశారు.
- " class="align-text-top noRightClick twitterSection" data="">
అంతకుముందు ఇటీవలే ఈటీవీ భారత్తో ముచ్చటించిన వర్ష.. ఇమ్మూ గురించి ఈ విధంగా చెప్పింది. "చెప్పాలంటే అనుకోకుండా నేను ఇమ్మాన్యుయెల్ కలిశాం. కేవలం ఒక్క డైలాగ్ కోసమే ఇమ్మూతో స్కిట్ చేశాను. ఆ తర్వాత మేమిద్దరం బాగా క్లోజ్ అయ్యాం. అయితే అతడు నాకు కేవలం ఫ్రెండ్ అని చెప్పలేను. అలా అని మా ఇద్దరి మధ్య రిలేషన్ ఏంటనేది కూడా చెప్పలేను. అంతా బాగుంటే స్కిట్లోనిదే బయట నిజం అవ్వవచ్చు.. ఏదైనా అవ్వొచ్చు. ఎందుకంటే ఫ్యూచర్ మన చేతిలో ఉండదు కదా. అతడికి నాపై చాలా గౌరవం ఉంది. నాకు కూడా అతడంటే చాలా అభిమానం." అని పేర్కొంది.
ఇదీ చూడండి: 'మా బంధం ఏంటో చెప్పను.. ఏదైనా జరగొచ్చు.. ఫేక్ మాత్రం కాదు!'
