ఆస్కార్ విజేత, హాలీవుడ్ అగ్ర నటుడు బ్రాడ్ పిట్ సంచలన ప్రకటన చేశారు. త్వరలో తాను నటనకు వీడ్కోలు పలకనున్నట్లు ప్రకటించాడు. ఒక మ్యాగజైన్కు ఇచ్చిన ఇంటర్వ్యూలో ఈ విషయాన్ని వెల్లడించారు బ్రాడ్ పిట్. మరో మూడు లేకుంటే ఆరు నెలల్లో నటనకు పూర్తిస్థాయిలో స్వస్తి చెబుతానని వెల్లడించారు. ఈ ప్రకటనతో బ్రాడ్ పిట్ అభిమానులు నిరాశకు లోనయ్యారు.
'వన్స్ అపాన్ ఏ టైమ్ ఇన్ హాలీవుడ్' సినిమాకు ఇటీవల ఆస్కార్ అవార్డును అందుకున్నారు బ్రాడ్ పిట్. ఆయన నటించిన బుల్లెట్ ట్రైన్ సినిమా ఆగస్ట్ 5న విడుదల కానుంది. బ్రాడ్ పిట్ తన మాజీ భార్య ఏంజెలినా జోలీతో న్యాయ వివాదాన్ని ఎదుర్కొంటున్నారు. ఇద్దరి భాగస్వామ్యంలో ఉన్న వైన్ వ్యాపారంలో జోలీ.. తన వాటాలను విక్రయించారు. ఈ క్రమంలో బ్రాడ్ పిట్ కోర్టులో పిటిషన్ వేశారు.
మాలీవుడ్లో 'మైత్రీ మూవీ మేకర్స్'..
వరుస హిట్లతో టాలీవుడ్లో టాప్ నిర్మాణ సంస్థగా వెలుగొందుతోంది 'మైత్రీ మూవీ మేకర్స్'. శ్రీమంతుడు, జనతా గ్యారేజ్, రంగస్థలం, ఉప్పెన, పుష్ప లాంటి సినిమాలతో మైత్రీ మూవీ మేకర్స్ సంస్థకు మంచి గుర్తింపు లభించింది. మెగాస్టార్ చిరంజీవితో మెగా154, బాలయ్యతో ఎన్బీకే107, పుష్ప-2, విజయ్ దేవరకొండ సినిమాలు పట్టాలెక్కేందుకు సిద్ధంగా ఉన్నాయి. ఇలా టాలీవుడ్లో వరుస సినిమాలు చేస్తూనే.. ఇతర భాషల్లో కూడా సినిమాలు నిర్మించేందుకు సిద్ధమయ్యారు. తాజాగా మాలీవుడ్లోకి ఎంట్రీ ఇచ్చేందుకు సిద్ధమైంది. మాలీవుడ్ యంగ్ హీరో టోవినో థామస్ నటిస్తూ.. తన సొంత నిర్మాణ సంస్థపై డాక్టర్ బిజు దర్శకత్వంలో నిర్మిస్తున్న మూవీ 'అదృశ్య జాలకంగల్'. అయితే ఈ సినిమాకు మైత్రీ మూవీ మేకర్స్.. నిర్మాణ భాగస్వామిగా వ్యవహరిస్తోంది. దీంతో మాలీవుడ్లోకి కూడా మైత్రీ మూవీ మేకర్స్ అడుగుపెట్టినట్లయింది.
ఇదీ చదవండి: ఫిలిం ఛాంబర్, ఫెడరేషన్ మధ్య చర్చలు సఫలం.. దిల్రాజు అధ్యక్షతన కమిటీ
