NIA searches: రాష్ట్రంలోని ఆ జిల్లాల్లో ఎన్​ఐఏ సోదాలు..

author img

By

Published : Sep 22, 2022, 12:49 PM IST

NIA searches

NIA searches: గుంటూరు, కర్నూలులో అర్ధరాత్రి నుంచి ఎన్‌ఐఏ అధికారులు సోదాలు నిర్వహిస్తున్నారు. పాత గుంటూరు, కర్నూలులోని పలు ప్రాంతాల్లో సోదాలు కొనసాగుతున్నాయి. ముగ్గురు అనుమానితులను అదుపులోకి తీసుకున్నారు. పీఎఫ్ఐతో సంబంధం ఉన్న వారిని అధికారులు ప్రశ్నిస్తున్నారు.

NIA searches: గుంటూరులో ఎన్​ఐఏ అధికారులు సోదాలు నిర్వహించారు. ఇప్పటి వరకు ముగ్గురు వ్యక్తులను అధికారులు అదుపులోకి తీసుకున్నారు. సంగడిగుంటకు చెందిన డ్రైప్రూట్స్ వ్యాపారి జఫ్రుల్లాఖాన్​తోపాటు పొత్తూరువారితోటకు చెందిన రహీం, వహీద్​లను ఎన్​ఐఏ అధికారులు అదుపులోకి తీసుకుని విచారణ చేపట్టారు. పాపులర్ ఫ్రంట్ ఆఫ్​ ఇండియా... పీఎఫ్ఐ కార్యకలాపాలపై, ముగ్గురు వ్యక్తులకు ఆ పార్టీతో సంబంధాలపై అధికారులు ఆరా తీస్తున్నారు. ముగ్గురు వ్యక్తల విచారణ తర్వాత మరిన్ని విషయాలు వెల్లడయ్యే అవకాశముంది.

కర్నూలు నగరంలో ఎన్​ఐఏ అధికారులు సోదాలు నిర్వహించారు. నగరంలోని ఖడక్ పూర వీధిలోని ఎస్​డీపీఐ నాయకులు అబ్దుల్ వారిస్ ఇంటిలో ఎన్​ఐఏ అధికారులు తెల్లవారుజామున సోదాలు చేశారు. అబ్దుల్ వారిస్​కు హైదరాబాదులో ఇళ్లు ఉండటంతో కర్నూలు, హైదరాబాద్​లో ఏకకాలంలో సోదాలు నిర్వహించారు. ఎన్​ఐఏ సోదాలకు వ్యతిరేకంగా ఎస్​డీపీఐ నాయకులు నిరసన తెలిపారు. భాజపా ఎన్​ఐఏ సంస్థను అడ్డుపెట్టుకుని కక్ష్యసాధింపు చర్యలకు పాల్పడుతుందని ఆరోపించారు. ఎన్​ఐఏ అధికారులకు పోలీసులు భారీ బందోబస్తు ఏర్పాటు చేశారు.

ఇవీ చదవండి:

RTC bus stand closed: అద్దె చెల్లించలేదని ఆర్టీసీ బస్టాండ్​ మూసివేత

CAG reports: ఏపీని ముంచబోతున్న అప్పులు.. కాగ్ నివేదికల్లో వాస్తవాలు

ఉగ్ర నిధుల కేసులో ఎన్​ఐఏ సోదాలు.. 100 మంది అరెస్ట్​

ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.