ఎన్‌టీఆర్‌ విద్యాసంస్థలు గత ఏడేళ్లుగా నిర్వహిస్తున్న గర్ల్స్‌ ఎడ్యుకేషన్‌ స్కాలర్‌షిప్‌ టెస్ట్‌ (జీఈఎస్‌టీ) ఈ ఏడాది డిసెంబర్‌ 12న నిర్వహించనున్నట్లు ఎన్‌టీఆర్‌ ట్రస్టు మేనేజింగ్‌ ట్రస్టీ నారా భువనేశ్వరి(Nara bhuvaneswari help to girl students) తెలిపారు. ఈ పరీక్షలో అర్హత సాధించిన పదో తరగతి చదివే 25 మంది బాలికలకు ఉపకారవేతనాలు అందజేస్తామన్నారు. మొదటి పది ర్యాంకులు పొందిన బాలికలకు నెలకు రూ. అయిదు వేలు చొప్పున, తరువాతి 15 ర్యాంకులు పొందిన బాలికలకు నెలకు రూ. మూడు వేల చొప్పున ఎన్‌టీఆర్‌ బాలికల జూనియర్‌ కళాశాలో ఇంటర్‌ పూర్తిచేసే వరకు ఇస్తామని పేర్కొన్నారు. ఆసక్తి ఉన్న బాలికలు ఎన్‌టీఆర్‌ ట్రస్టు వెబ్‌సైట్‌లో (NTR trust website)డిసెంబరు ఎనిమిదో తేదీ వరకు నమోదు తమ పేరు చేసుకోవచ్చని తెలిపారు.
ఇదీ చదవండి: AMARAVATHI PADAYATRA: 23వ రోజుకు చేరుకున్న అమరావతి రైతుల పాదయాత్ర
