గులాబ్ తుపాను ప్రభావంతో రైల్వేశాఖ పలు రైళ్లను రద్దు చేసింది. అంతేకాకుండా కొన్ని రైళ్ల మార్గాలను కుదించడం, మరికొన్నింటి రైళ్ల దారి మళ్లించి నడుపుతున్నట్లు వాల్తేర్‌ సీనియర్‌ డీసీఎం ఎ.కె.త్రిపాఠి తెలిపారు. ఈ నెల 26న విశాఖ- విజయవాడ వైపు వెళ్లే 10 రైళ్లు, విశాఖ- జయనగరం వైపు నడిచే మరో 6 రైళ్లను రద్దు చేసినట్లు వెల్లడించారు. 27న విశాఖ మీదుగా రాకపోకలు సాగించే 6 రైళ్లను రద్దు చేసినట్లు తెలిపారు.
ఈ నెల 26న పూరీ-ఓఖా ప్రత్యేక రైలును వయా ఖుర్థారోడ్‌, అంగూల్‌, సంబల్‌పూర్‌ మీదుగా దారి మల్లించినట్లు ఎ.కె.త్రిపాఠి పేర్కొన్నారు. 27న విశాఖలో బయలుదేరే విశాఖ-కిరండూల్‌ ప్రత్యేక రైలును జగదల్‌పూర్‌లో నిలిపేయడంతోపాటు తిరుగు ప్రయాణంలో ఈనెల 28న జగదల్‌పూర్‌ నుంచి బయలు దేరుతుందన్నారు. ప్రయాణికులు గమనించి సహకరించాలని వాల్తేర్‌ సీనియర్‌ డీసీఎం ఎ.కె.త్రిపాఠి కోరారు.
గులాబ్ తుపాను వల్ల ఈరోజు రద్దైన రైళ్ల వివరాలు..
- భువనేశ్వర్- సికింద్రాబాద్ ఎక్స్‌ప్రెస్ రైలు
- భువనేశ్వర్- తిరుపతి ఎక్స్ ప్రెస్ రైలు రద్దు
- పూరి- చెన్నై సెంట్రల్ ఎక్స్ ప్రెస్ రైలు రద్దు
- రాయగడ- గుంటూరు ఎక్స్ ప్రెస్ రైలు రద్దు
- భువనేశ్వర్ - కేఎస్ ఆర్ బెంగళూరు సిటీ ఎక్స్ ప్రెస్ రైలు రద్దు
- సంబాల్ పూర్ - హెచ్. ఎస్ . నాందేడ్ ఎక్స్ ప్రెస్ రైలు రద్దు
- భువనేశ్వర్ - యంశ్వంత్ పూర్ ఎక్స్ ప్రెస్ రైలు రద్దు
సోమవారం రద్దైన రైళ్ల వివరాలు..
- చెన్నై సెంట్రల్ - పూరి ఎక్స్ ప్రెస్ రైలు రద్దు
- తిరుపతి - భువనేశ్వర్ ఎక్స్ ప్రెస్ రైలు రద్దు
- హెచ్. ఎస్ . నాందేడ్- సంబాల్ పూర్ ఎక్స్ ప్రెస్ రైలు రద్దు
- కేఎస్ ఆర్ బెంగళూరు- భువనేశ్వర్ ఎక్స్ ప్రెస్ రైలు రద్దు
- యశ్వంత్ పూర్ - భువనేశ్వర్ ఎక్స్ ప్రెస్ రైలు రద్దు
ఇదీ చూడండి: MPP SEATS: వైకాపా ఖాతాలో 626 ఎంపీపీ స్థానాలు
