హోండా కంపెనీ '100 సీసీ షైన్' బైక్ను బుధవారం లాంఛ్ చేసింది. అతి తక్కువ ధరలో ఈ ద్విచక్ర వాహనాన్ని వినియోగదారులకు అందించనున్నట్లు తెలిపింది. యాక్టివా హెచ్-స్మార్ట్ తర్వాత.. 2023లో కంపెనీ చేపట్టిన అతిపెద్ద లాంఛ్ ఇదేనని హోండా సంస్థ వెల్లడించింది.
హోండా షైన్ 100 సీసీ బైక్ ఎక్స్ షో రూం ధర రూ. 64,900(ముంబయి). ఇది ఎటువంటి ట్రాఫిక్లోనైనా ఈజీగా ప్రయాణం చేయగలదు. గ్రామీణ, పట్టణ ప్రాంత వినియోగదారులే లక్ష్యంగా ఈ బైక్ను తయారుచేశారు. బుధవారమే బుకింగ్లు ఓపెన్ అవుతాయని బైక్ లాంఛ్ ఈవెంట్లో హోండా కంపెనీ ప్రతినిధులు ప్రకటించారు చెప్పింది. మే నెలలో వినియోగదారులకు వీటిని డెలివరీ చేయనున్నట్లు వెల్లడించారు.
హోండా 100 సీసీ షైన్ బైక్ ఫీచర్స్.
- హోండా 'షైన్ 100' కొత్తగా అభివృద్ధి చేసిన 100సీసీ ఇంజన్‌ను కలిగి ఉంది.
- ఈ బైక్ బెటర్ పవర్ను, సామర్థ్యాన్ని కలిగి ఉంది.
- పీజీఎమ్ఎఫ్ఐ సాంకేతికతతో మెరుగైన మైలేజీని ఈ బైక్ అందిస్తుంది.
- బైక్ నిర్వహణ సులభంగా ఉంటుందని హోండా కంపెనీ చెబుతోంది.
- ఈ బైక్.. వినియోగదారుని ఖర్చులను చాలా వరకు తగ్గిస్తుందని కంపెనీ అంటోంది.
- ఈ బైక్ వివిధ రంగులలో అందుబాటులో ఉంటుంది.
హీరో స్ల్పెండర్..
ప్రముఖ ద్విచక్ర వాహన తయారీ సంస్థ హీరో మోటోకార్ప్ సైతం బడ్జెట్ ధరలో సూపర్ బైక్ను అందుబాటులోకి తెచ్చింది. అత్యాధునిక ఫీచర్లతో కూడిన సూపర్ స్ల్పెండర్ XTEC బైక్ను కొద్ది రోజులు క్రితం విడుదల చేసింది.
హీరో స్ల్పెండర్ బైక్ ఫీచర్లు..
- ఈ బైక్ గ్లాస్ బ్లాక్, క్యాండీ బ్లేజింగ్ రెడ్, మ్యాట్ యాక్సిస్ గ్రే రంగుల్లో.. డ్రమ్, డిస్క్ రెండు వేరియంట్లలో లభించనుంది.
- సాధారణ సూపర్ స్ల్పెండర్ బైక్ కన్నా అధిక ఫీచర్లను ఈ కొత్త వెర్షన్లో అందించింది. బైక్ డిజైన్కు వస్తే.. XTEC బాడీ వర్క్ అచ్చం సూపర్ స్ల్పెండర్ను పోలి ఉంటుంది.
- పెట్రోల్ ట్యాంక్పై కొద్దిగా గ్రాఫిక్ మార్పులను మాత్రమే చేశారు. ఈ బైక్కు అల్లాయ్ వీల్స్నే వినియోగించారు. అయితే సూపర్ స్ల్పెండర్ XTECకు అదనంగా LED హెడ్ ల్యాంప్ను ఏర్పాటు చేశారు.
- ఇది పగటి పూట కూడా వెలుగుతోంది. ఈ బైక్లో డిజిటల్ క్లస్టర్తో పాటు బ్లూటూత్ సదుపాయాన్ని కల్పించారు. దీనిలో సూపర్ స్ల్పెండర్కు ఉపయోగించిన 124.7 సీసీ, సింగిల్ సిలిండర్ ఇంజిన్నే వాడారు.
- ఇక ధర విషయానికొస్తే.. ఇది సూపర్ స్ల్పెండర్ ధర కన్నా రూ. 4,250 అధికంగా ఉంది. మార్కెట్లో దీని ధరను రూ. 83,368 గా నిర్ణయించారు.
