రూ.10 నాణేలతో కారు కొనుగోలు- ఆ న్యూస్ ఫేక్​ అని చెప్పేందుకేనట!

author img

By

Published : Jun 21, 2022, 5:06 PM IST

Updated : Jun 21, 2022, 7:26 PM IST

10 rupee coins buy car

"రూ.10 నాణేల చెల్లవు"... ఇదేదో కేేంద్ర ప్రభుత్వమో, రిజర్వ్​ బ్యాంకో ఇచ్చిన స్టేట్​మెంట్ కాదు. తమిళనాడులోని ధర్మపురి వాసులు పుట్టించిన పుకారు ఇది. ఈ వదంతును పోగొట్టడానికి ఓ వ్యక్తి పెద్ద యుద్ధమే చేశాడు. చివరకు ఓ వినూత్న ప్రయోగంతో అందరి దృష్టిని ఆకర్షించాడు.

రూ.10 నాణేలతో ఆరు లక్షల విలువైన కారు కొనుగోలు

రూ.10 నాణేలు చెల్లవని తమిళనాడు, సేలం జిల్లా ధర్మపురిలో పెద్ద ఎత్తున ప్రచారం జరిగింది. దీంతో దుకాణదారులు.. కస్టమర్​ల నుంచి పది రూపాయల నాణేలను స్వీకరించలేదు. రూ.10 నాణేలు చెల్లట్లేదన్న వదంతును ఆపేందుకు ఆరూరుకు చెందిన వెట్రివేల్ వినూత్నంగా ఆలోచించాడు. కేవలం రూ.10 నాణేలను సేకరించి.. వాటితోనే కారు కొనాలని నిర్ణయించుకున్నాడు.

10 rupee coins buy car
పది రూపాయల నాణేలను లెక్కిస్తున్న కారు షోరూమ్​ సిబ్బంది, వెట్రివేల్​ కుటుంబ సభ్యులు

దేవాలయాలు, షాపింగ్ మాల్స్, దుకాణాలు, రోడ్డు పక్కన ఉండే షాపులు వంటి వివిధ ప్రదేశాల్లో రూ.10 నాణేలను సంపాదించాడు వెట్రివేల్. ఆ తర్వాత పది రూపాయల నాణేలు మూటలుగా కట్టి భద్రపరిచాడు. అనంతరం కారును కొనేందుకు సేలంలోని షోరూమ్​కు వెళ్లాడు.

10 rupee coins buy car
కారు​ కొనుగోలుకు వెట్రివేల్ సేకరించిన పది రూపాయల నాణేలు ​

సేలంలోని ఓ ప్రముఖ కారు షోరూమ్​కు వెళ్లి రూ.10 రూపాయల నాణేలతో కారును కొనాలనుకుంటున్నానని వెట్రివేల్ చెప్పాడు. బ్యాంకు అధికారులను సంప్రదించిన తర్వాత నిర్ణయాన్ని చెబుతామని షోరూమ్​ సిబ్బంది అన్నారు. రూ.10 నాణేలను షోరూమ్​ నుంచి బ్యాంక్​ స్వీకరించేందుకు అభ్యంతరం చెప్పకపోవడం వల్ల వెట్రివేల్​కు కారును అమ్మేందుకు ​షోరూమ్​ అంగీకరించింది.

10 rupee coins buy car
వెట్రివేల్​కు కారు తాళాన్ని అందిస్తున్న షోరూమ్​ సిబ్బంది

బంధువులతో కలిసి వెట్రివేల్.. సేలంలోని కారు షోరూమ్​కు వెళ్లాడు. ఆరు లక్షల రూపాయల విలువ గల పది రూపాయల నాణేలను షోరూమ్​ దగ్గర లెక్కించి ఇచ్చాడు. దీంతో కార్​ షోరూమ్​ సిబ్బంది.. వెట్రివేల్​కు కారును అప్పగించారు. ప్రభుత్వం ప్రవేశపెట్టిన పది రూపాయల నాణెం ఎప్పటికీ చెల్లుబాటు అవుతుందని ప్రజలకు తెలియజేసేందుకే ఇలా చేశానని వెట్రివేల్ అన్నాడు.

10 rupee coins buy car
రూ.10 నాణేలతో ఆరు లక్షల విలువైన కారు కొనుగోలు

ఇవీ చదవండి: తండ్రి గొర్రెల కాపరి.. కొడుకు టెన్త్ టాపర్.. రోజూ 10కి.మీ నడిచి బడికెళ్లి..

రాష్ట్రపతి అభ్యర్థిగా వెంకయ్య? సాయంత్రం అధికారిక ప్రకటన??

Last Updated :Jun 21, 2022, 7:26 PM IST
ETV Bharat Logo

Copyright © 2024 Ushodaya Enterprises Pvt. Ltd., All Rights Reserved.