Gavi Gangadhareshwara Temple: మకర సంక్రాంతి సందర్భంగా కర్ణాటక బెంగళూరులోని గావి గంగాధరేశ్వర మందిరంలో అద్భుత దృశ్యం ఆవిష్కృతమైంది. సంధ్యావేళ సూర్యకిరణాలు గుడిలోని శివలింగాన్ని స్పృశించాయి. చీకటి గుహలో వెలుతురు నింపుతూ సూర్య కిరణాలు నంది చెవుల మధ్యలో నుంచి సూర్యుడిపై పడ్డాయి. 2 నిమిషాల 13 సెకన్ల పాటు రవి కిరణాలు కనువిందు చేశాయి.
Sunshine fall on shivalingam
సూర్యకిరణాలు శివలింగాన్ని తాకిన సమయంలో ఆలయ పండితులు ప్రత్యేక పూజలు నిర్వహించారు. పాలు, కొబ్బరి నీరు, పవిత్ర జలంతో శివలింగానికి అభిషేకం నిర్వహించారు. అయితే, కరోనా ఆంక్షల వల్ల ఈ దృశ్యాన్ని ప్రత్యక్షంగా వీక్షించేందుకు భక్తులకు అనుమతి లభించలేదు.
మందిర నిర్మాణ శైలి కారణంగా ప్రతి ఏటా ఇదే రోజు సూర్య కిరణాలు శివలింగంపై ప్రసరిస్తాయి. గతేడాది మాత్రం శివలింగంపై కిరణాలు పడలేదు. గడిచిన యాభై ఏళ్లలో ఇలా జరగడం అదే తొలిసారి. మబ్బులు అధికంగా ఉండటమే ఇందుకు కారణం. అయితే, శివలింగం ఉన్న ప్రాంతం భూగర్భంలో 15 మీటర్ల లోతులో ఉండటం విశేషం.
ఇదీ చదవండి: శబరిమల 'మకరజ్యోతి' దర్శనం- భక్తజనం పరవశం
