Sonusood sister politics: ప్రముఖ నటుడు, సామాజిక కార్యకర్త అయిన సోనూసూద్​ సోదరి మాళవికా సూద్​ కాంగ్రెస్​లో చేరారు. సోమవారం మోగాలోని సోనూ నివాసంలో పంజాబ్​ పీసీసీ చీఫ్​ నవజ్యోత్ సింగ్ సిద్ధూ, ముఖ్యమంత్రి చన్నీ కలిసి పార్టీలోకి ఆమెను సాదరంగా ఆహ్వానించారు.

సోనూసూద్​ నివాసంలో నవజ్యోత్​ సింగ్ సిద్ధూ

ఫిబ్రవరి 14న జరగనున్న ఎన్నికలకు ముందు మాళవికా సూద్​ పార్టీలో చేరడంపై సిద్ధూ హర్షం వ్యక్తం చేశారు. ఈ పరిణామాన్ని 'గేమ్ ఛేంజర్​' గా అభివర్ణించారు. పీసీసీ చీఫ్​, సీఎం ఇద్దరూ కలసి వెళ్లి పార్టీలోకి ఆహ్వానించడం చాలా అరుదు అని తెలిపిన సిద్ధూ.. ఈ గౌరవం పొందడానికి మాళవిక అర్హురాలని కితాబిచ్చారు. స్వచ్ఛంద సంస్థ నడుపుతూ.. ప్రజాసేవకు అంకితమై మంచి పేరు తెచ్చుకున్న మాళవిక తమ పార్టీలో చేరడం చాలా సంతోషంగా ఉందని సిద్ధూ అన్నారు.

మాళవికా సూద్​ చేరికపై చర్చిస్తున్న సోనూ, సిద్ధూ

మాళవిక సొంత నియోజకవర్గం అయిన మోగా నుంచి పోటీ చేస్తారా లేదా అనే దానిపై పార్టీ నిర్ణయం తీసుకుంటుందని సీఎం చన్నీ చెప్పారు.

ఇదీ చూడండి: ఆ వీడియో లీక్ చేస్తానని మంత్రికి బెదిరింపులు.. చివరకు...