ఇండియన్ ప్రీమియర్ లీగ్.. ఓ ప్లంబర్ జీవితాన్నే మార్చేసింది. రాత్రికి రాత్రే అతడు కోటీశ్వరుడయ్యాడు. అంతా క్రికెట్ బెట్టింగ్ యాప్ డ్రీమ్ 11 మాయ. అక్టోబర్ 10న.. చెన్నై సూపర్ కింగ్స్, దిల్లీ క్యాపిటల్స్ మధ్య జరిగిన క్వాలిఫయర్-1 మ్యాచ్పై బెట్ వేయగా.. అదృష్టం అతడి తలుపుతట్టింది. ఏకంగా.. కోటి రూపాయల ప్రైజ్ మనీ గెల్చుకున్నాడు. అతడే బిహార్ కటిహార్ జిల్లా మనిహారీకి చెందిన బబ్లూ మండల్.
బబ్లూ.. హంస్వర్ గ్రామంలో ప్లంబింగ్ పనులు చేసేవాడు. ఈ క్రమంలోనే తనతో పనిచేసే మరో వ్యక్తి ద్వారా డ్రీమ్ 11 గురించి తెలుసుకున్నాడు. కొద్దిరోజుల్లోనే అదృష్టం వరించింది. డ్రీమ్ 11 బృందం.. తనకు అభినందనలు కూడా తెలిపిందని పేర్కొన్నాడు బబ్లూ. ఈ డబ్బుతో మొదట మంచి ఇల్లు కట్టుకుంటానని అంటున్నాడు. మరికొంత ధనాన్ని ఓ దేవాలయానికి విరాళంగా ఇస్తానని చెప్పాడు.
''నాతో పని చేసే అతను.. డ్రీమ్ 11 గురించి చెప్పాడు. నాకు అప్పటివరకు అసలేం తెలియదు. నా ఫోన్లో ఆ వ్యక్తే యాప్ ఇన్స్టాల్ చేశాడు. కొద్దిరోజుల క్రితమే నేను అది వాడటం మొదలుపెట్టా. మొదట రూ.200 పెట్టాను. ఇప్పుడు ఏకంగా కోటి రూపాయలు గెల్చుకున్నాను. రూ. 30 లక్షలు పన్ను రూపంలో కట్ చేశారు. 70 లక్షలు నాకు వచ్చాయి.''
- బబ్లూ మండల్
కొద్దిరోజుల కింద బిహార్ మధుబనీకి చెందిన అశోక్ కుమార్కు కూడా ఇలానే జరిగింది. చిన్న సెలూన్ షాప్ నడిపే.. అతడికి డ్రీమ్ 11 ద్వారా రూ. కోటి రూపాయలు వచ్చాయి. ఈ పూర్తి వార్త కోసం ఇక్కడ క్లిక్ చేయండి.
ఇదీ చూడండి: ఒకేసారి 550 కేక్స్ కట్ చేసి పుట్టిన రోజు వేడుక
