ముందస్తు బెయిల్ కోసం దరఖాస్తు చేసుకునే నిందితులను ఉద్దేశించి సుప్రీంకోర్టు(Supreme Court News) ధర్మాసనం కీలక వ్యాఖ్యలు చేసింది. దర్యాప్తు, విచారణ సంస్థలకు సహకరించకుండా తప్పించుకుని తిరిగే వారిని కోర్టులు రక్షించలేవని, వారికి ముందస్తు బెయిల్ ఇవ్వటం కుదరదని ధర్మాసనం స్పష్టం చేసింది.
2017 యూపీ అల్లర్ల కేసులో నిందితుడి బెయిల్ పిటిషన్ను 2019లో అలహాబాద్ హైకోర్టు కొట్టివేయడాన్ని సవాల్ చేస్తూ దాఖలు చేసిన వ్యాజ్యంపై విచారణ సందర్భంగా సుప్రీంకోర్టు(Supreme Court On anticipatory bail) ఈ వ్యాఖ్యలు చేసింది.
" దర్యాప్తు సంస్థలకు సహకరించకుండా తప్పించుకుని తిరిగే నిందితులకు ముందస్తు బెయిల్ ఇవ్వలేం. వారిని కాపాడలేం."
-- సుప్రీం ధర్మాసనం
2017, ఉత్తర్ప్రదేశ్లోని బలియా జిల్లాలో జరిగిన అల్లర్ల కేసులో నిందితుడిగా ఉన్న ఓ వ్యక్తి.. ముందస్తు బెయిల్ కోసం 2019లో అలహాబాద్ హైకోర్టును ఆశ్రయించాడు. అయితే.. సదరు వ్యక్తి 30 రోజుల్లోగా హైకోర్టు ముందు హాజరుకావాలని, ఆ తర్వాత బెయిల్కు దరఖాస్తు చేసుకోవాలని ఆదేశించింది.
అయితే.. ఆ నిందితుడు గడువులోగా కోర్టు ముందు హాజరుకాలేదు. దీంతో అతనికి ముందస్తు బెయిల్ రద్దు చేస్తూ.. అలహాబాద్ ధర్మాసనం తీర్పిచ్చింది. హైకోర్టు తీర్పును సవాల్ చేస్తూ.. సుప్రీంకోర్టును(Supreme Court Judgement) ఆశ్రయించాడు.
ఇదీ చదవండి: 'సాహసోపేత నిర్ణయాలకు కేరాఫ్ అడ్రస్.. మోదీ'
