Road accident in Maharashtra: మహారాష్ట్రలోని మన్మాడ్ నగరంలో మంగళవారం అర్ధరాత్రి ఘోర ప్రమాదం జరిగింది. ఓ కారు వేగంగా వచ్చి చెట్టును ఢీకొట్టడం వల్ల నలుగురు స్నేహితులు అక్కడికక్కడే ప్రాణాలు కోల్పోయారు. మరొకరి పరిస్థితి విషమంగా ఉంది. ఓ కార్యక్రమానికి హాజరై మన్మాడ్కు తిరిగి వస్తున్న క్రమంలో పుణె- ఇందోర్ రహదారిపై ప్రమాదం జరిగినట్లు పోలీసులు తెలిపారు.
మన్మాడ్కు చెందిన ఐదుగురు స్నేహితులు.. యోలా ప్రాంతానికి ఓ కార్యక్రమానికి హాజరయ్యేందుకు వెళ్లారు. అనంతరం తిరిగి వస్తుండగా మన్మాడ్కు సమీపంలోని అనక్వాడ్ వద్ద కారుపై డ్రైవర్ నియంత్రణ కోల్పోయాడు. రోడ్డు పక్కనే ఉన్న వృక్షాన్ని ఢీకొట్టింది కారు. అత్యంత వేగంగా వచ్చి ఢీకొట్టడం వల్ల కారు నుజ్జునుజ్జయింది. మృతులు.. తౌఫిక్ షేక్, దినేశ్ భాలేరావ్, ప్రవీణ్ సకట్, గోకుల్ హిరేగా గుర్తించారు. అజయ్ వాంఖడే తీవ్రంగా గాయపడగా మన్మాడ్కు తరలించారు.
ఇదీ చూడండి: దారుణం.. లిఫ్ట్లో తల ఇరుక్కొని వ్యక్తి దుర్మరణం
