TG20 Cricket League Press Meet : టీజీ 20 లీగ్ బ్రాండ్ అంబాసిడర్, టైటిల్ స్పాన్సర్​ను హైదరాబాద్ క్రికెట్ అసోసియేషన్ ప్రకటించింది. బేగంపేట్ లోని ఓ హోటల్ లో జరిగిన ఈ కార్యక్రమానికి హెచ్​సీఏ కార్యదర్శి జీవనరెడ్డి, టీజీ-20 గవర్నింగ్ కౌన్సిల్ చైర్మన్ ఆగం రావు, హెచ్​సీఏ ప్రతినిధులతో పాటు హైదరాబాద్ ఈ ఛాంపియన్స్ తరపున హాజరైన బృహతి, ఇతర ఫ్రాంచైజ్ ఓనర్లు హాజరయ్యారు. టీజీ 20 లీగ్‌కు విజయ్ దేవరకొండ బ్రాండ్ అంబాసిడర్​గా వ్యవహరిస్తారు. టీజీ 20 టైటిల్ స్పాన్సర్‌గా శ్రీనిధి యూనివర్సిటీ వ్యవహరించనుంది. టీజీ 20 లీగ్‌ విజేత జట్టుకు రూ.కోటి నగదు బహుమతి, రన్నరప్‌కు రూ.50 లక్షలు, 3, 4 స్థానాల్లో జట్లకు రూ.25 లక్షల చొప్పున బహుమతి అందుకోనున్నాయి. టీజీ 20 క్రికెట్ లీగ్‌ జూన్ 21న టోర్నమెంట్ ప్రారంభం కానుంది. జులై 10న ఫైనల్​తో లీగ్ ముగియనుంది. ఫైనల్ సహా అన్ని మ్యాచ్​లు కూడా ఉప్పల్ స్టేడియం వేదికగా జరగనున్నాయి.