Sonu Sood Attended Service Activity At Hyd : మాల్యవి కరుణోదయ సొసైటీ ఫౌండేషన్​ ఇప్పటివరకు పలు సేవా కార్యక్రమాలు చేస్తూ వస్తోంది. తాజాగా వనపర్తి జిల్లాలో సంకిరెడ్డిపల్లి, అమ్మడవాకుల గ్రామాలకు ఉచితంగా అంబులెన్స్​ను బహుకరించారు. అలాగే హైదరాబాద్​లోని దమ్మాయిగూడ, చిల్కానగర్ ప్రాంతాలకు చెందిన పేద ఆటో కార్మికులకు జీవనోపాధి కోసం ఆటోలను అందించారు. ఈ కార్యక్రమానికి ముఖ్య అతిథిగా నటుడు సోనూసూద్​ హాజరై పేదలకు తన చేతుల మీదుగా బహుకరించారు. బహుకరణ అనంతరం మాల్యవి కరుణోదయ సొసైటీ ఫౌండేషన్ ఉద్దేశించి సోనూసూద్​ మాట్లాడారు. ఇలాంటి సేవా కార్యక్రమాలు రానున్న రోజుల్లో ఇంకా ఎన్నో చేయాలంటూ ప్రోత్సహించారు. స్వచ్ఛందంగా అంబులెన్స్‌ ప్రధానం చేయడమంటే ప్రాణాలు కాపాడడం లాంటిదేనని అలాంటి కార్యక్రమంలో తాను భాగమైనందుకు సంతోషంగా ఉందని తెలిపారు. ఈ సేవా కార్యక్రమం చేయడానికి ముందుకు వచ్చిన మాల్యవి కరుణోదయ సొసైటీ ఫౌండర్ కొండ కృష్ణమ్మకు సోనూసూద్  అభినందనలు తెలిపారు. సంకిరెడ్డిపల్లి, అమ్మడవాకుల గ్రామ ప్రజలు సోనుసూద్ అంబులెన్స్​ను వినియోగించుకుని సురక్షితంగా ఉండాలని కోరారు.