Malla Reddy Holi Celebration at his Residence : సికింద్రాబాద్​ మేడ్చల్​ శాసనసభ్యుడు మల్లారెడ్డి బోయిన్​ పల్లిలోని తన నివాసంలో హోలీ వేడుకలు జరుపుకున్నారు. హోలీ సందర్భంగా చిన్నారులతో కలిసి రంగులు చల్లుకుంటూ ఉత్సాహభరితంగా గడిపారు. తన చిన్ననాటి నుంచి హోలీ ఉత్సవాలను పెద్ద ఎత్తున జరుపుకుంటున్నట్లు మల్లారెడ్డి తెలిపారు. బ్యాండ్​ వాయిస్తూ అందరితో కలిసి నృత్యాలు చేస్తూ హోలీ వేడుకలు జరుపుకున్నారు. మరోవైపు సంగారెడ్డి జిల్లాలో జగ్గారెడ్డి ఆధ్వర్యంలో ఘనంగా హోలీ వేడుకలు నిర్వహించారు. చిన్ననాటి మిత్రులు, కార్యకర్తలు, అభిమానులు, చిన్నారులతో జగ్గారెడ్డి హోలీ ఆడారు. సంగారెడ్డి బైపాస్​ రోడ్డులో స్నేహితులతో కలిసి జగ్గారెడ్డి స్టెప్పులు వేశారు. చిన్నారులతో కలిసి డీజే టిల్లు పాటకు స్టెప్పులు, డప్పు కళాకారులతో కలిసి డప్పు కొట్టి నృత్యాలు చేశారు. అనంతరం రామ్​ మందిర్​ కమాన్​ వద్ద ఉట్టి కొట్టే కార్యక్రమంలో పాల్గొన్నారు.