టెక్నో కొత్త బడ్జెట్ స్మార్ట్​ఫోన్ లాంఛ్- నెట్‌వర్క్ లేకున్నా కూడా కాల్స్ చేసుకోవచ్చట!

Hyderabad: టెక్నో తన కొత్త ఎంట్రీ లెవల్ స్మార్ట్‌ఫోన్ "టెక్నో పాప్ X"ను భారతదేశంలో విడుదల చేసింది. కంపెనీ ఈ స్మార్ట్​ఫోన్​ను బడ్జెట్ ధరలోనే తీసుకొచ్చింది. దీని ధర రూ. 8,499. ఇది 4GB RAM, 64GB స్టోరేజ్​ను అందిస్తుంది. అయితే లాంఛ్ ఆఫర్లలో భాగంగా దీనిని HDFC బ్యాంక్ కార్డ్‌తో రూ. 7,749లకే కొనుగోలు చేయొచ్చని కంపెనీ ప్రకటించింది.

సేల్ వివరాలు: దీని సేల్స్ మార్చి 6 నుంచి ప్రారంభం కానున్నాయి. ఆసక్తి ఉన్న కస్టమర్లు అమెజాన్​తో పాటు ఇతర రిటైల్ స్టోర్‌లను సంప్రదించి కొనుగోలు చేయొచ్చు.

టెక్నో పాప్ X ఫీచర్లు, స్పెసిఫికేషన్లు:

డిస్​ప్లే: ఈ కొత్త "టెక్నో పాప్ X" స్మార్ట్​ఫోన్ 720×1600 పిక్సెల్స్ రిజల్యూషన్‌తో పెద్ద 6.75-అంగుళాల HD+ LCD డిస్‌ప్లేను కలిగి ఉంది. ఈ బడ్జెట్ విభాగంలో కూడా ఇది 120Hz రిఫ్రెష్ రేట్ డిస్‌ప్లేను అందించడం విశేషం. ఇది వీడియోలను చూస్తున్నప్పుడు లేదా తేలికపాటి గేమ్‌లు ఆడుతున్నప్పుడు వినియోగదారులకు సున్నితమైన అనుభవాన్ని అందిస్తుంది.

ప్రాసెసర్: ఈ ఫోన్ పనితీరు విషయానికి వస్తే, ఇది 4GB LODDR4x RAM, 64GB eMMC స్టోరేజ్​తో వస్తుంది. అయితే కంపెనీ ఇంకా దీని ప్రాసెసర్ పేరును వెల్లడించలేదు.

కెమెరా సెటప్: ఈ ఫోన్ వెనుక భాగంలో డ్యూయల్ కెమెరా మాడ్యూల్ డిజైన్ ఉంది. కానీ ఇది సింగిల్ రియర్ కెమెరాను కలిగి ఉంది. ఇది 13MP సెన్సార్, f/1.85 ఎపర్చరుతో వస్తుంది. ఇక సెల్ఫీలు, వీడియో కాలింగ్​ల కోసం కంపెనీ దీనిలో 8MP ఫ్రంట్ కెమెరాను అందించింది.

బ్యాటరీ కెపాసిటీ: ఇందులో 5000mAh బ్యాటరీ ఉంటుంది. ఇది 15W ఫాస్ట్ ఛార్జింగ్​కు సపోర్ట్‌ చేస్తుంది.

ఆపరేటింగ్ సిస్టమ్: ఈ ఫోన్ ఆండ్రాయిడ్ 15 ఆధారంగా HiOS 15పై నడుస్తుంది.

ఇతర ఫీచర్లు: భద్రత కోసం, ఈ ఫోన్ సైడ్-మౌంటెడ్ ఫింగర్ ప్రింట్ సెన్సార్‌ను కలిగి ఉంది. ఇంకా డస్ట్, వాటర్ రెసిస్టెన్సీ కోసం ఇది IP64 రేటింగ్‌తో వస్తుంది. దీని కనెక్టివిటీ ఎంపికలలో 4G LTE, Wi-Fi, బ్లూటూత్ 5.2, GPS, USB టైప్-C పోర్ట్ ఉన్నాయి. ఇది 3.5mm హెడ్‌ఫోన్ జాక్‌తో కూడా వస్తుంది.

వీటన్నింటితో పాటు ఈ ఫోన్ అత్యంత స్పెషాలిటీ ఏంటంటే ఇది మొబైల్ నెట్‌వర్క్ లేకపోయినా కూడా వినియోగదారులు కాల్స్ చేసుకోవడానికి వీలు కల్పిస్తుందని, ఇది అత్యవసర పరిస్థితుల్లో చాలా ఉపయోగకరంగా ఉంటుందని కంపెనీ చెబుతోంది.