యాపిల్ స్టూడియో డిస్​ప్లే, స్టూడియో డిస్​ప్లే XDR లాంఛ్- ధరలు ఎలా ఉన్నాయంటే?

Hyderabad: యాపిల్ "స్టూడియో డిస్​ప్లే", "స్టూడియో డిస్​ప్లే XDR" 2026 మోడల్​లను భారత్​తో పాటు ఇతర గ్లోబల్ మార్కెట్లలో విడుదల చేసింది. ఈ కొత్త మానిటర్లు 27-అంగుళాల 5K రెటినా ప్యానెల్, మినీ LED బ్యాక్‌లైటింగ్‌తో అధునాతన 5K రెటినా XDR ప్యానెల్‌ను అందిస్తున్నాయి. ఇవి అడాప్టివ్ సింక్, థండర్‌బోల్ట్ 5 కనెక్టివిటీతో 120Hz రిఫ్రెష్ రేట్, డెస్క్ వ్యూ మద్దతుతో 12MP సెంటర్ స్టేజ్ కెమెరాను కలిగి ఉన్నాయి.

ఈ కొత్త డిస్​ప్లేలను "M5 ప్రో", "M5 మ్యాక్స్" చిప్‌సెట్‌లతో "MacBook Pro", M5 ప్రాసెసర్​ను కలిగి ఉన్న "మ్యాక్​బుక్​ ఎయిర్​"తో పాటు ప్రవేశపెట్టబడటం గమనార్హం. ఈ కొత్త మానిటర్లను సాధారణ వినియోగదారులు, సృజనాత్మక నిపుణుల కోసం రూపొందించినట్లు యాపిల్ పేర్కొంది. అయితే XDR మోడల్​ను అత్యున్నత స్థాయి రంగు కచ్చితత్వం, బ్రైట్​నెస్ అవసరమయ్యేవారినే లక్ష్యంగా చేసుకుంది.

The Studio Display and Studio Display XDR are suitable for geenral users and creative professionals (Image Credit: Apple)

స్టూడియో డిస్​ప్లే, స్టూడియో డిస్​ప్లే XDR ధర, లభ్యత: స్టూడియో డిస్​ప్లే స్టాండర్డ్ గ్లాస్ వెర్షన్ ధర రూ. 1,89,900 నుంచి ప్రారంభమవుతుంది. యాపిల్ ఎడ్యుకేషన్ ధర రూ. 1,77,900 నుంచి ప్రారంభమవుతుంది. స్టూడియో డిస్​ప్లే XDR ధర రూ. 3,99,900 నుంచి ప్రారంభమవుతుంది, అయితే ఎడ్యుకేషన్ స్టోర్ ధరలు రూ. 3,87,900 నుంచి ప్రారంభమవుతాయి.

సేల్ వివరాలు: ఈ రెండు డిస్‌ప్లేల సేల్స్ మార్చి 11, 2026 నుంచి ప్రారంభం కానున్నాయి. అయితే ప్రీ-ఆర్డర్‌లు ఈరోజు (మార్చి 4, 2026న) రాత్రి 7:45 ISTకి ప్రారంభం కానున్నాయి. ఆసక్తి ఉన్న కస్టమర్లు యాపిల్ ఇండియా ఆన్​లైన్ స్టోర్, యాపిల్ స్టోర్ యాప్ ద్వారా బుక్ చేసుకోవచ్చు.

Both displays are compatible with Mac mini, and Macbook laptops (Image Credit: Apple)

దీనితో పాటు యాపిల్ కంపాటిబుల్ యాక్సెసరీలను కూడా అందిస్తోంది. టచ్ ఐడి, న్యూమరిక్ కీప్యాడ్‌తో కూడిన మ్యాజిక్ కీబోర్డ్ ధర రూ. 19,500, మ్యాజిక్ ట్రాక్‌ప్యాడ్ ధర రూ. 14,500, మ్యాజిక్ మౌస్ ధర రూ. 9,500.

కలర్ ఆప్షన్లు: స్టూడియో డిస్​ప్లే, స్టూడియో డిస్​ప్లే XDR మానిటర్లు నలుపు, తెలుపు రంగులలో లభిస్తాయి.