రంగురంగుల చిలుకల లోకం - నెహ్రూ జూ పార్క్​లో ఉన్న వాటి జీవితం కాలం ఎంతో తెలుసా!

Parrots at Nehru Zoo Park in Hyderabad : చిలుకలు కేవలం చూడటానికి అందంగా ఉండటమే కాకుండా అవీ పర్యావరణ సమతుల్యతను కాపాడటంలో ముఖ్యపాత్ర పోషిస్తాయి. అడవుల వృద్ధికి, ఇతర జీవుల మనుగడకు ఎంతో సహాయపడతాయి. హైదరాబాద్​లో నెహ్రూ జూ పార్కులో ఉంచి ప్రజలకు అవగాహన కల్పిస్తున్నారు.

(అలెగ్జాండర్​ ది గ్రేట్) పెద్ద పచ్చ చిలుక :

Alexander the Great (Getty Images)

• అలెగ్జాండర్​ ది గ్రేట్​ ఈ పక్షులను పంజాబ్​ నుంచి యూరప్​ దేశాలకు తీసుకెళ్లడం వల్ల ఈ పేరు వచ్చింది.
• సాధారణ పచ్చచిలుకల కంటే ఇవి పెద్దవిగా ఉంటాయి. వీటి రెక్కల భుజ భాగంలో ఎర్రటి మచ్చ ఉంటుంది. మగ పక్షుల మెడ చుట్టూ నలుపు, గులాబీ రంగు రింగ్​ ఉంటుంది. ఇవి స్పష్టంగా మాట్లాడగలవు.
• ఈ చిలుకలు ఎక్కువ ఇండియా, పాకిస్థాన్​, శ్రీలంక, ఆగ్నేయాసియా ప్రాంతాల్లో ఉంటాయి.
• దీని బరువు సుమారు 200-300 గ్రాములు ఉంటుంది.
• అలాగే జీవితకాలం దాదాపు 25-40 ఏళ్లు.

లుటినో కాకటీల్​ చిలుక :

లుటినో కాకటీల్​ (Getty Images)

• లుటినో అనేది ఒక రకమైన జన్యు మార్పు దీనివల్ల ఈ పక్షులు తెల్లటి లేదా లేత పసుపు రంగులో ఉంటాయి. వీటి తలపై పసుపు రంగు జుట్టు, ప్రకాశవంతమైన ఆరెంజ్​ రంగు మచ్చలుంటాయి.
• ఇవీ ఎక్కువగా ఆస్ట్రేలియాలోని పొడి మైదానాల్లో ఉంటాయి.
• దీని బరువు సుమారు 80-100 గ్రాములు ఉంటుంది. జీవితకాలం సుమారు 15-20 ఏళ్లు వరకు ఉంటుంది.

ప్లమ్​ హెడెడ్​ పారకీట్​ :

ప్లమ్​ హెడెడ్​ పారకీట్ (Getty Images)

• తల చూడటానికి 'ప్లమ్' (నేరేడు) పండు రంగులో ఉంటుంది.
• మగ పక్షి తల ముదురు ఎరుపు-గులాబీ రంగులో ఉండి మెడ చుట్టూ నల్ల రంగులో ఉంటుంది. ఆడ పక్షి తల బూడిద రంగులో ఉంటుంది.
• ఈ పక్షులు ఎక్కువగా ఇండియా, నేపాల్​, పాకిస్థాన్​, శ్రీలంక, భూటాన్​ అడవుల్లో ఉంటాయి.
• దీని బరువు సుమారు 65-85 గ్రాములు ఉంటుంది. జీవితకాలం దాదాపు 15-25 ఏళ్లు.

బ్లూ అండ్​ గోల్డ్​ మెకావ్​ :

బ్లూ అండ్​ గోల్డ్​ మెకావ్ (Getty Images)

• ఈ పక్షి ప్రపంచంలోనే అత్యంత రంగులమయమైన వాటిలో పెద్ద చిలుకల్లో ఒకటి.
• శరీరం పైభాగం ముదురు నీలం రంగులో, కింది భాగం గోల్డ్​ ఎల్లో రంగులో ఉంటుంది. ముక్కు బలంగా ఉంటుంది. మనుషుల మాటలను అనుకరిస్తాయి.
• దక్షిణ అమెరికాలోని అమోజాన్​ అడవులు బ్రెజిల్​, వెనెజువెలా, పెరూ వంటి ప్రాంతాల్లో ఉంటాయి.
• దీని బరువు సుమారు 900-1300 గ్రాములు, జీవితకాలం దాదాపు 50-70 ఏళ్లు ఉంటుంది.

ముస్టాచ్​ పారకీట్​ (మీసాల చిలుక) :

ముస్టాచ్​ పారకీట్​ (మీసాల చిలుక) (Getty Images)

• ముక్కు కింద ఉండే నల్లటి గీతలు చూడటానికి మీసాలలాగా అనిపిస్తాయి.
• తల బూడిత రంగు, రొమ్ము భాగం గులాబీ రంగులో ఉంటుంది.
• ఎక్కువగా ఇండోనేషియా, థాయ్​లాండ్​, వియత్నాం, చైనాలోని అక్కడక్కడ కొన్ని ప్రాంతాల్లో ఉంటాయి.
• దీని బరువు సుమారు 100-140 గ్రాములు, జీవితకాలం సాధారణంగా 20-25 ఏళ్లు ఉంటుంది.

స్కార్లెట్​ మెకావ్​ :

స్కార్లెట్​ మెకావ్ (Getty Images)

• ఈ పక్షికి ఎక్కువ రంగులు ఉండటంలో చాలా అందంగా ఉంటుంది.
• శరీరం ముదురు ఎరుపు రంగులో ఉండి, రెక్కలపై పసుపు, ముదురు నీలం రంగు ఈకలు ఉంటాయి. కళ్ల చుట్టూ తెల్లటి చర్మం ఉంటుంది. ఇవి చాలా తెలివైనవి, పెద్దగా అరుస్తారు. రకరకాల ట్రిక్స్​ నేర్చుకోగలవు.
• మధ్య, దక్షిణ అమెరికా ఉష్ణమండల అరణ్యాల్లో ఉంటాయి.
• దీని బరువు సుమారు 1000 గ్రాములు, జీవితకాలం సుమారుగా 50-70 ఏళ్లు ఉంటుంది.

ఎక్లెక్టస్​ ప్యారట్​ :

ఎక్లెక్టస్​ ప్యారట్​ (Getty Images)

• మగ పక్షి ప్రకాశవంతమైన ఆకుపచ్చ రంగులో, కాండీ లాండీ ఆరెంజ్​ ముక్కుతో ఉంటుంది. ఆడ పక్షి ముదురు ఎరుపు, నీలం రంగుల కలయికలో నల్లటి ముక్కుతో ఉంటుంది.
• ఎక్కువగా సోలమన్​ దీవులు, ఇండోనేషియా, ఆస్ట్రేలియా వంటి ప్రాంతాల్లో ఉంటాయి.
• దీని బరువు సుమారు 350-450 గ్రాములు, జీవితకాలం సుమారు 30-50 ఏళ్లు ఉంటుంది.

ఆఫ్రికన్​ గ్రే ప్యారట్​ :

ఆఫ్రికన్​ గ్రే ప్యారట్ (Getty Images)

• ఈ పక్షి ప్రపంచంలోనే బాగా మాట్లాడే బర్డ్​ ఇది.
• శరీరం బూడిద రంగులో ఉండి, తోక ఎరుపు రంగులో ఉంటుంది.
• మనుషులు మాట్లాడే మాటల వెనుక అర్థం గ్రహించగల పక్షి జాతి ఇది.
• మధ్య, పశ్చిమ ఆఫ్రికాలోని వర్షారణ్యాల ప్రాంతాల్లో ఉంటాయి.
• జీవిత కాలం సుమారు 40-60 ఏళ్లు ఉంటుంది.
• దీని బరువు సుమారు 400-500 గ్రాములు ఉంటుంది.

చిట్టీ చిలకమ్మా... నీ గోలేంటమ్మా?

పగలు ఎండినమోడు.. రాత్రి పచ్చని చెట్టు!!