ప్రయాణికులకు ఉత్తమ సేవలు - ఏపీఎస్​ఆర్టీసీకి జాతీయ అవార్డు

National Award To APSRTC For Excel Digital Services: ఏపీఎస్​ఆర్టీసీ మరో ప్రతిష్టాత్మక జాతీయ అవార్డు సొంతం చేసుకుంది. ప్రయాణికులకు ఉత్తమ సేవలతోపాటు మారుతున్న సాంకేతికతను సమర్ధంగా అందిపుచ్చుకొని డిజిటల్‌ సేవల్లో ముందంజలో కొనసాగుతున్నందుకు ఏపీఎస్​ఆర్టీసీ ఈ అత్యున్నతమైన జాతీయ అవార్డును అందుకోవడం విశేషం. అయితే గతంలో 2025 సంవవత్సరానికి పీఎస్​ఈ టెక్నాలజీ అండ్‌ ఇన్నోవేషన్‌ అవార్డుకు ఏపీఎస్​ ఆర్టీసీ ఎంపికైంది. ప్రదానంగా సంస్థలోని యూనిఫైడ్‌ కమ్యూనికేషన్స్‌ విభాగంలో డిజిటల్‌ సేవల సామర్ధ్యాన్ని పెంపొందించడం, ఆధునిక సాంకేతిక పరిజ్ఙానం సమర్ధంగా వినియోగించనందుకు గుర్తింపుగా ఈ అవార్డు లభించింది.

హైదరాబాద్‌లో నిర్వహించిన ఇండియా పీఎస్​ఈ సమ్మిట్‌లో ఆర్టీసీ వీసీఎండీ బాలసుబ్రమణ్యం తరఫున ఐటీ విభాగం చీఫ్‌ ఇంజనీరు వై. శ్రీనివాసరావు ఈ అవార్డును అందుకున్నారు. ఈ అవార్డుపై ఆర్టీసీ వీసీఎండీ బాలసుబ్రమణ్యం హర్షం వ్యక్తం చేస్తూ ఇందుకు కృషి చేసిన అధికారులు, సూపర్‌వైజర్లు, సిబ్బందిని అభినందించారు. గతంలో సైతం ఏపీఎస్ ఆర్టీసీకి ఎన్నో పురస్కారాలు వరించగా ఈ అవార్డుతో మరో కలికితురాయి ఆర్టీసీ ఖాతాలో చేరినట్లైంది.

ఏపీఎస్ఆర్టీసీ మరో ప్రతిష్టాత్మక ఘనత - నగదు రహిత లావాదేవీల్లో జాతీయస్థాయి అవార్డు

ఏపీఎస్ఆర్టీసీకి నాలుగోసారి డిజిటల్ టెక్నాలజీ సభ పురస్కారం