సత్యసాయి సంజీవని హార్ట్​కేర్​లో ఉచిత శస్త్రచికిత్సలు - వీరికి మాత్రమే చేస్తారు

Free Surgeries at Sathya Sai Sanjeevani Heartcare : అభం శుభం తెలియని పని మనసులు వారు. కానీ హృద్రోగ సమస్యలతో ఆ చిన్ని గుండెలు తల్లడిల్లుతుంటే, వారికి తోడుగా మేమున్నాం అంటూ అక్కున చేర్చకుంటోంది సిద్దిపేట కొండపాకలోని శ్రీసత్యసాయి సంజీవని సెంటర్​ ఫర్​ చైల్డ్​ హార్ట్​కేర్​ అండ్​ రీసెర్చ్​. గుండె సంబంధిత శస్త్రచికిత్సలు చేయడానికి కోట్లలో ఖర్చు అవుతుంది. కానీ ఈ హస్పిటల్​ మాత్రం ఉచితంగా శస్త్రచికిత్సలు చేసి ఎన్నో పసి ప్రాణాలను కాపాడుతోంది. అత్యాధునిక వైద్యాన్ని మాత్రం పూర్తి ఉచితంగా అందిస్తూ బాధాతప్తులకు సాంత్వన చేకూర్చుతోంది.

336 మంది చిన్నారులకు చికిత్స : ఈ సెంటర్​ ఎంతో మనోవేదనకు గురైన ఆ కన్నవాళ్లను ఓదార్చుతూ తమ పిల్లల ఆరోగ్య భవిష్యత్తుకు భరోసానిస్తోంది. ఈ సత్యసాయి సంజీవని సెంటర్​లో ఇప్పటివరకు ఇండియాతో పాటు మరో 14 దేశాలకు చెందిన 233 మంది చిన్నారులకు ఓపెన్​ హార్ట్​ సర్జరీలు, 103 మంది పిల్లలకు కార్డియాక్​ ఇంటర్వెన్షన్లు విజయవంతంగా పూర్తి చేసి 336 మంది పసిప్రాణాలను కాపాడినట్లు సంస్థ ఛైర్మన్​ డా.సి. శ్రీనివాస్​ తెలిపారు.

దేశంలో ఉన్న అన్ని సెంటర్లలో ఉచితం : భారతదేశంలో ప్రతి ఏడాది 3.5 లక్షల మంది చిన్నారులు గుండె సంబంధిత సమస్యలతోనే జన్మిస్తున్నారు. కానీ వారిని కొంతమందికి సరైన వైద్యం అందక మృతి చెందుతున్నారు. ఇలాంటి వారికి శ్రీసత్యసాయి సంజీవని సెంటర్​ ఫర్​ చైల్డ్​ హార్ట్​కేర్​ అండ్​ రీసెర్చ్​ అండగా నిలుస్తోంది. కేవలం సిద్దిపేట జిల్లాలోని కొండపాకలోనే కాకుండా నయా పల్వాల్​ (హరియాణా), రాయ్​పుర్​ (ఛత్తీస్​గఢ్​), నవీ ముంబయి( మహారాష్ట్ర)లలోనూ మరిన్ని రిసెర్చ్​ సెంటర్లను ఏర్పాటు చేసి పూర్తి ఉచితంగా శస్త్రచికిత్సలు చేస్తున్నారు.

24 గంటల పాటు వైద్యసేవలు : సత్యసాయి హెల్త్​ అండ్​ ఎడ్యుకేషనల్​ ట్రస్టు ఆధ్వర్యంలో నడుస్తున్న ఈ ఆసుపత్రుల్లో పుట్టుకతోనే గుండె సంబంధిత వ్యాధులతో జన్మించిన శిశువులకు శస్త్రచికిత్స మొదలుకొని ఔషధాల వరకు అంతా ఫ్రీగానే. చిన్నారితో పాటు ఇద్దరికి భోజనం, వసతి సౌకర్యం కల్పిస్తున్నారు. ఈ ఆసుపత్రి వలంటీర్లు మారుమూల గ్రామాలు, గిరిజన తండాల్లో శిబిరాలు నిర్వహించి మరి లోపాలున్న చిన్నారులను గుర్తిస్తున్నారు. కొండపాకలో 2024 నవంబర్​ 23వ తేదీన హృదయాలయాన్ని ప్రారంభించారు. ఈ రీసెర్చ్​ సెంటర్​లో వంద పడకల సామర్థ్య ఉన్న ఆసుపత్రిలో మోడ్రన్​ టెక్నాలజీతో వైద్య పరికరాలు, నిష్ణాతులైన వైద్యులు, పూర్తిస్థాయి డిజిటల్​ ల్యాబ్​ ఏర్పాటు చేశారు. ఇక్కడ 24 గంటలపాటు వైద్యసేవలు అందుబాటులో ఉంటాయి. అంతేకాదు ఇక్కడ అత్యాధునిక క్యాథ్​ ల్యాబ్​ ఉంది. సాధారణ శస్త్రచికిత్సలలో శరీరాన్ని పెద్దగా కోయాల్సి ఉంటుంది. కానీ దీనిలో అయితే శరీరంలోని రక్తనాళాల ద్వారా నుంచి సన్నని గొట్టాన్ని (క్యాథెటర్​) గుండె వరకు పంపించి పరీక్షలు చేస్తారు.

పుట్టుకతో వచ్చే లోపాలకే చికిత్స : ఈ రిసెర్చ్​ సెంటర్​ ప్రత్యేకత ఏంటంటే పుట్టుకతో వచ్చే గుండె లోపాలకు మాత్రమే ఇక్కడ శస్త్ర చికిత్స, సర్జరీలు చేస్తారు. గుండెకు రంధ్రం, వాల్వ్​ల పనితీరు దెబ్బ తినడం, వ్యవస్థ సరిగా లేకపోవడం, ప్రతిస్పందనలు కొరవడడం, అలాగే రక్తసరఫరాలో తేడాలు ఇలా వంద రకాల సమస్యల్ని పరిష్కారాలున్నాయి. తల్లి గర్భంలోనే ఉత్పన్నమయ్యే ప్రమాదకరమైన గుండె సమస్యలు (కంజెనిటర్​ హార్డ్​ డిఫెక్ట్స్​)కు మెరుగైన చికిత్సలు అందిస్తున్నారు.

ఇలా సంప్రదించాలంటే : ఇక్కడ కనిపిస్తున్న 80101 19000 నంబరుకు కాల్‌ చేసి లేదా 70751 37733 వాట్సప్‌ నంబర్‌లో చాట్‌చేసి అపాయింట్‌మెంట్‌ తీసుకోవచ్చు.

మంచి ముహూర్తం చూసుకోవాల్సిందే - ఆందోళనకర స్థాయిలో సిజేరియన్లు!

శోభన్‌బాబు మనవడి రికార్డుస్థాయి శస్త్రచికిత్సలు - గిన్నిస్​ రికార్డుకు అతి చేరువలో