పంట కొనుగోళ్లలో రైతులకు లాభదాయక ధరలు కల్పించడమే లక్ష్యం: సీఎం చంద్రబాబు

CM Chandrababu Review on Crop Purchases: రాష్ట్రంలో ధాన్యం, అరటి, పొగాకు, ఆయిల్ పామ్ కొనుగోళ్ల పై ముఖ్యమంత్రి చంద్రబాబు సమీక్ష నిర్వహించారు. ప్రధానంగా మార్కెట్ డిమాండ్​కు అనుగుణంగా రైతులు పండించేటటువంటి పంటలకు లాభసాటి ధరలు దక్కే విధంగా చూడాలని అధికారులకు చంద్రబాబు స్పష్టమైన దిశానిర్దేశం చేశారు. ట్రేసబిలిటీ, సర్టిఫికేషన్ విధానం ద్వారా పంటలకు మెరుగైన ధరలు లభించే అవకాశం ఉంటుందని చంద్రబాబు సూచించారు. ఈ ఏడాది 42.06 లక్షల మెట్రిక్ టన్నుల మొక్కజొన్న ఉత్పత్తి వస్తుందని అధికారులు చంద్రబాబుకు తెలిపారు. అందుకు బదులిస్తూ రైతులకు లాభసాటిగా ఉండేలా నాణ్యమైన దిగుబడులకు అధికారులంతా సమష్టి కృషి చేయాలని సీఎం ఈ సందర్భంగా సూచించారు. అంతేకాకుండా ప్రకృతి సేద్యం విధానంలో వివిధ పంటలను పండించటం ద్వారా రైతులకు అధిక ప్రయోజనం కలుగుతుందని అన్నారు. ఈ సమీక్షకు వ్యవసాయ శాఖ మంత్రి అచ్చెన్నాయుడు, వ్యవసాయ, ఉద్యాన, మార్కెటింగ్ శాఖల ఉన్నతాధికారులు తదితరులు హాజరయ్యారు.

రాష్ట్రానికి తరగని ఆస్తి ఇనుప ఖనిజం: సీఎం చంద్రబాబు

'పారిశ్రామిక క్లస్టర్లలో అన్ని సౌకర్యాలు కల్పించండి' - ఏపీలో ప్రొడక్ట్‌ పర్ఫెక్షన్ క్లస్టర్లపై సీఎం సమీక్ష