సన్​రైజర్స్​పై పంజా విసిరిన పంజాబ్- భారీ టార్గెట్​ను ఊదేసిన అయ్యర్ సేన

PBKS vs SRH IPL 2026 : సొంతగడ్డపై పంజాబ్ కింగ్స్ అదరగొట్టింది. ముల్లాన్​పుర్ వేదికగా సన్​రైజర్స్​తో జరిగిన మ్యాచ్​లో పంజాబ్ 6 వికెట్ల తేడాతో నెగ్గింది. 220 పరుగుల భారీ లక్ష్య ఛేధనలో ఓపెనర్లు ప్రయాంశ్ ఆర్య (57), ప్రభ్​సిమ్రన్ సింగ్ (51) హాఫ్ సెంచరీలతో గట్టి పునాది వేయగా, కెప్టెన్ శ్రేయస్ అయ్యర్ (69*) కీలక ఇన్నింగ్స్​తో జట్టుకు మూడో విజయం అందించాడు. సన్​రైజర్స్ బౌలర్లలో శివంగ్ కుమార్ 3, హర్ష్ దూబే 2 వికెట్ పడగొట్టారు. కీలక ఇన్నింగ్స్​తో జట్టును విజయ తీరాలకు చేర్చిన కెప్టెన్ అయ్యర్​కు ప్లేయర్ ఆఫ్ ది మ్యాచ్ అవార్డు లభించింది.

అంతకుముందు బ్యాటింగ్ చేసిన సన్​రైజర్స్​ నిర్ణీత 20 ఓవర్లలో 6 వికెట్ల నష్టానికి 219 పరుగులు చేసింది. అభిషేక్ శర్మ (74 పరుగులు), ట్రావిస్ హెడ్ (38 పరుగులు), హెన్రీచ్ క్లాసెన్ (39 పరుగులు), ఇషాన్ కిషన్ (27) ఫర్వాలేదనిపించారు. పంజాబ్ బౌలర్లలో శశాంక్ సింగ్, అర్షదీప్ సింగ్ చెరో 2, జెవియర్ 1 వికెట్ దక్కించుకున్నారు.

ఇద్దరికీ మూడోదే
కాగా, ఈ మ్యాచ్​తో​ పంజాబ్ ప్రస్తుత టోర్నీలో మూడో విజయం నమోదు చేసింది. తొలి రెండు మ్యాచ్​ల్లో గుజరాత్, చెన్నైతో గెలవగా, కేకేఆర్​తో మూడో మ్యాచ్ వర్షం కారణంగా రద్దైంది. మరోవైపు సన్​రైజర్స్​కు ఇది మూడో ఓటమి. తొలి మ్యాచ్​లో ఆర్సీబీతో ఓడగా, కేకేఆర్​తో నెగ్గి బోణీ కొట్టింది. ఆ తర్వాత వరుసగా లఖ్​నవూ, పంజాబ్​తో ఓటమిపాలైంది. దీంతో 7 పాయింట్లతో పంజాబ్ రెండో స్థానంలో ఉండగా, 2 పాయింట్లతో సన్​రైజర్స్ ఆరో ప్లేస్​లో కొనసాగుతోంది.

IPLలో 200పైగా పరుగుల లక్ష్యాన్ని అత్యధిక సార్లు విజయవంతంగా ఛేదించిన జట్లు

• 10 - పంజాబ్ కింగ్స్
• 6 - ముంబయి ఇండియన్స్
• 5 - రాజస్థాన్ రాయల్స్
• 4 - సన్​రైజర్స్ హైదరాబాద్
• 4 - రాయల్ ఛాలెంజర్స్ బెంగళూరు

పంజాబ్ కింగ్స్ ఐపీఎల్​లో ఛేదించిన అత్యధిక టార్గెట్​లు

• 262 పరుగులు vs KKR- కోల్‌కతా, 2024
• 220 పరుగులు vs SRH- ముల్లాన్‌పుర్, 2026
• 210 పరుగులు vs CSK- చెన్నై, 2026
• 206 పరుగులు vs CSK- అబుదాబి, 2014
• 206 పరుగులు vs SRH- హైదరాబాద్, 2014
• 206 పరుగులు vs RCB- ముంబయి , 2022

ఛేజింగ్​లో అహా అయ్యర్
కొంతకాలంగా ఐపీఎల్​లో ఛేజింగ్ అనగానే అయ్యర్ రెచ్చిపోతున్నాడు. అతడు క్రీజులు ఉన్నాడంటే తమ జట్టు కచ్చితంగా విజయం సాధిస్తుందనే ధీమా ఇస్తున్నాడు. ఇదే సీజన్​లో రీసెంట్​గా చెన్నై సూపర్ కింగ్స్​తో మ్యాచ్​లోనూ హాఫ్ సెంచరీ సాధించాడు. ఇప్పుడు కూడా కీలక ఇన్నింగ్స్​ ఆడాడు. 33 బంతుల్లోనే 69 పరుగులతో నాటౌట్​గా నిలిచాడు. ఇందులో 5 ఫోర్లు, 5 సిక్స్​లు ఉన్నాయి. అయితే 2024 నుంచి అయ్యర్ 13 ఇన్నింగ్స్​ ఛేదనలోనే ఆడాడు. ఇందులో 171.82 స్టైక్ రేట్​తో 555 పరుగులు చేశాడు. ఇందులో ఆరు హాఫ్ సెంచరీలు ఉండడం విశేషం. ఈ గణాంకాలు చాలు. ఐపీఎల్​లో ఛేదనలో అయ్యర్ ఏ రేంజ్​లో ప్రభావం చూపిస్తున్నాడో తెలుసుకోవడానికి!

గెలుపు జోష్​లో ఉన్న పంజాబ్​కు షాక్- కెప్టెన్ అయ్యర్​కు భారీ జరిమానా!​

కోల్​కతా X పంజాబ్ కింగ్స్ మ్యాచ్ రద్దు- ఇరు జట్లకు చెరో పాయింట్